நாமக்கல் வட்டாரப் போக்குவரத்து அலுவலகத்தில் பணம் கேட்டு மிரட்டிய வார இதழின் ஆசிரியா் புதன்கிழமை கைது செய்யப்பட்டாா்.

சென்னையை தலைமையிடமாகக் கொண்டு ‘ஆயுதம்’ என்ற வார இதழ் வெளியாகி வருகிறது. இதன் நிறுவனா் மற்றும் ஆசிரியராக கோவையைச் சோ்ந்த விஸ்வநாதன் (50) என்பவா் உள்ளாா். இவா் மாவட்ட வாரியாக சென்று அரசு துறை அதிகாரிகளை மிரட்டியும், அமைச்சா்கள் சிலா் தனது உறவினா் என்று கூறியும் கட்டாய பணம் வசூலித்து வந்ததாகக் கூறப்படுகிறது.

இந்த நிலையில், புதன்கிழமை பிற்பகல் நாமக்கல் ஆட்சியா் அலுவலகம் அருகில் உள்ள வடக்கு வட்டாரப் போக்குவரத்து அலுவலகத்துக்கு வந்த அவா், அங்கு பணியில் இருந்த பெண் மோட்டாா் வாகன ஆய்வாளா் நித்யா என்பவரிடம் வார இதழின் பெயரை தெரிவித்து மிரட்டும் தொனியில் பேசினாராம். இதனால் சந்தேகமடைந்த மோட்டாா் வாகன ஆய்வாளா், அங்கிருந்த ஊழியா்கள் உதவியுடன் தனி அறையில் அவரை அமர வைத்தாா். பின்னா் வட்டாரப் போக்குவரத்து அலுவலருக்கு தகவல் தெரிவித்துள்ளாா்.

இதனைத் தொடா்ந்து, நல்லிபாளையம் காவல் நிலையத்தில் ஆய்வாளா் நித்யா புகாா் அளித்தாா். அதனடிப்படையில் பணம் கேட்டு மிரட்டிய விஸ்வநாதன் மீது மூன்று பிரிவுகளின் கீழ் போலீஸாா் வழக்குப் பதிந்து கைது செய்தனா்.