நாமக்கல் மாவட்ட பா.ஜ.க. தலைவராக என்.பி.சத்தியமூா்த்தி மீண்டும் தோ்ந்தெடுக்கப்பட்டுள்ளாா்.

நாமக்கல் மாவட்ட பா.ஜ.க. தலைவரின் பதவிக்காலம் 3 ஆண்டுகள் முடிவடைந்ததையடுத்து, நாமக்கல் உழவா் சந்தை எதிரில் உள்ள திருமண மண்டபத்தில், மாவட்டத் தலைவா் மற்றும் மாநில பொதுக்குழு உறுப்பினா் பதவிக்கான தோ்தல் ஞாயிற்றுக்கிழமை நடைபெற்றது. இதில், தற்போதைய தலைவரான என்.பி.சத்தியமூா்த்தி, மாவட்டத் தலைவராக மீண்டும் தோ்ந்தெடுக்கப்பட்டாா். மேலும், மாநில பொதுக்குழு உறுப்பினா்களாக கே.எஸ்.அண்ணாமலை, ஏ.எல்.சாய்நாதன், கதிரேசன், ராமசாமி, லீலாவதி, ராஜமாணிக்கம் ஆகியோா் தோ்வு செய்யப்பட்டனா். தலைவா் மற்றும் மாநில பொதுக்குழு உறுப்பினா்களுக்கான தோ்தல் மற்றும் நிா்வாகிகள் கூட்டத்தில், மாநிலச் செயலாளா் சி.கே.சரஸ்வதி, வழக்குரைஞா் பிரிவு செயலாளா் என்.பி.பழனிசாமி, கோட்டப் பொறுப்பாளா் ஏ.சி.முருகேசன், இணைப் பொறுப்பாளா் அண்ணாதுரை, தேசிய பொதுக்குழு உறுப்பினா் கே.மனோகரன், நாமக்கல் நகர செயலாளா் காா்த்திக் மற்றும் நிா்வாகிகள், கட்சியினா் பலா் கலந்து கொண்டனா்.