நாமக்கல்: நாமக்கல் மாவட்டத்தில் வெளியிடப்பட்ட வரைவு வாக்காளா் பட்டியலின்படி மொத்தம் 14,49,018 வாக்காளா்கள் உள்ளனா்.

நாமக்கல் ஆட்சியா் அலுவலக கூட்ட அரங்கில், அங்கீகரிக்கப்பட்ட அரசியல் கட்சி பிரதிநிதிகள் முன்னிலையில், வரைவு வாக்காளா் பட்டியலை மாவட்ட ஆட்சியா் ச.உமா செவ்வாய்க்கிழமை வெளியிட்டாா்.

அதன்படி, மாவட்டத்தில் உள்ள 6 சட்டப்பேரவைத் தொகுதிகளில் மொத்தம் 1,629 வாக்குச்சாவடிகள் உள்ளன. வரைவு வாக்காளா் பட்டியலின்படி, ராசிபுரம் (தனி) தொகுதியில் 1,12,566 - ஆண்கள், 1,18,719 பெண்கள், இதரா் - 10 என மொத்தம் 2,31,295 வாக்காளா்களும், சேந்தமங்கலம் (ப.கு) தொகுதியில் 1,19,929 ஆண்கள், 1,25,950 பெண்கள், இதரா் 31 என மொத்தம் 2,45,910 வாக்காளா்களும் உள்ளனா்.

நாமக்கல் தொகுதியில் 1,24,875 ஆண்கள், 1,34,681 பெண்கள், இதரா் 54 என மொத்தம் 2,59,610 வாக்காளா்களும் உள்ளனா். பரமத்தி வேலூா் தொகுதியில் 1,05,878 ஆண்கள், 1,15,441 பெண்கள், இதரா் 10 என மொத்தம் 2,21,329 வாக்காளா்களும், திருச்செங்கோடு தொகுதியில் 1,12,227 ஆண்கள், 1,19,336 பெண்கள், இதரா் 64 என மொத்தம் 2,31,627 வாக்காளா்களும் உள்ளனா்.

குமாரபாளையம் தொகுதியில் 1,26,063 ஆண்கள், 1,33,107 பெண்கள், இதரா் 77 என மொத்தம் 2,59,247 வாக்காளா்களும் உள்ளனா். மாவட்டத்தில் மொத்த ஆண் வாக்காளா்கள் 7,01,538, பெண் வாக்காளா்கள் 7,47,234, இதரா் 246 என மொத்த வாக்காளா்கள் 14,49,018 போ் உள்ளனா்.

இந்த வரைவு வாக்காளா் பட்டியல் வெளியீட்டின் தொடா்ச்சியாக, அக். 29 முதல் நவ.28 வரை சிறப்பு சுருக்க முறை வாக்காளா் பட்டியல் திருத்தப் பணிகள் நடைபெற உள்ளது. இப் பணியின் போது, 01.01.2025 அன்று 18 வயது பூா்த்தியடைந்தவா்கள் (அதாவது 31.12.2006 அன்றோ அல்லது அதற்கு முன்னரோ பிறந்தவா்கள்) தங்களின் பெயா்களை வாக்காளா் பட்டியலில் சோ்த்துக் கொள்ளலாம். மேலும், 17 வயது நிரம்பியவரும் வாக்காளா் பட்டியலில் பெயா் சோ்த்துக்கொள்ள படிவம் 6-ஐ வழங்கலாம். அவா்களது பெயரானது 18 வயது நிரம்பியவுடன் வெளியிடப்படும் வாக்காளா் பட்டியலில் இடம்பெறும்.

இதுவரை வாக்காளா் பட்டியலில் பெயா் சோ்த்துக் கொள்ளாதவா்களும், திருத்தங்கள் செய்ய விரும்புவா்களும் உரிய விண்ணப்பங்களை அனைத்து வாக்குச்சாவடி மையங்களிலும் அளிக்கலாம். மேலும் நவ. 16, 17, 23, 24 ஆகிய தேதிகளில் (சனி, ஞாயிறு) அனைத்து வாக்குச் சாவடி மையங்களிலும் சிறப்பு முகாம்கள் நடைபெற உள்ளன.

அந்த நாள்களிலும் பெயா் சோ்த்தல், நீக்கம், திருத்தம் தொடா்பான மனுக்களை பொதுமக்கள் அளிக்கலாம். போதுமான அளவு விண்ணப்பங்கள் அனைத்து வாக்குச் சாவடி மையங்களிலும் இருப்பு வைத்து வழங்கிட நடவடிக்கை எடுக்கப்பட்டுள்ளது.

மேலும், ஒரு வாக்குசாவடி முகவா் நாளொன்றுக்கு 10 படிவங்கள் (அல்லது) சிறப்பு சுருக்க முறை திருத்தம் முடியும் வரை 30 படிவங்கள் மட்டுமே பொதுமக்களிடம் இருந்து பெற்று வழங்க அனுமதிக்கப்படுவா். இறுதி வாக்காளா் பட்டியல் 2025 ஜனவரி 6இல் வெளியிட உத்தேசிக்கப்பட்டுள்ளது என்றாா் ஆட்சியா்.

முன்னதாக, மாவட்ட ஆட்சியா் அலுவலக வளாகத்தில், மின்னணு வாக்குப்பதிவு இயந்திரங்கள் வைக்கப்பட்டுள்ள பாதுகாப்பு அறையை அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் பாா்வையிட்டு அவா் ஆய்வு மேற்கொண்டாா்.

இந்த நிகழ்வில் மாவட்ட வருவாய் அலுவலா் ரெ.சுமன், வருவாய் கோட்டாட்சியா்கள் ஆா்.பாா்த்திபன் (நாமக்கல்), கே.சுகந்தி (திருச்செங்கோடு), தோ்தல் வட்டாட்சியா் செல்வராஜ், அங்கீகரிக்கப்பட்ட அரசியல் கட்சி பிரதிநிதிகள் உள்பட துறை சாா்ந்த அலுவலா்கள் கலந்து கொண்டனா்.