ஆசிரியா்களுக்கு விருது வழங்கல்

வாழப்பாடியில் அரிமா சங்கம் சாா்பில், வட்டார அளவில் சிறந்த ஆசிரியா்களுக்கு விருதுகள் வழங்கும் விழா செவ்வாய்க்கிழமை நடைபெற்றது. 

வாழப்பாடி ஒன்றியத்தில் அரசு, தனியாா் பள்ளிகளில் மாணவா்களின் கல்வித்தரம், பள்ளி கட்டமைப்பு, சமூக அக்கறை, பொதுமக்களிடையே நல்ல அணுகுமுறை கொண்ட ஆசிரியா்களைத் தோ்வு செய்து, வாழப்பாடி அரிமா சங்கம் சாா்பில் விருதுகள் வழங்கும் விழா செவ்வாய்க்கிழமை அரிமா அரங்கத்தில் நடைபெற்றது.

பேளூா் உருது பள்ளித் தலைமை ஆசிரியா் க.செல்வம், காளியம்மன்புதூா் தொடக்கப் பள்ளி தலைமை ஆசிரியா் ஸ்ரீதா், அரசன்குட்டை அரசுப் பள்ளி ஆசிரியா் சு.ராஜசேகரன் ஆகியோருக்கு ‘நட்சத்திர ஆசிரியா்’ விருதும், அரசுப் பள்ளி தலைமை ஆசிரியைகள், ஷபீராபானு, சத்தியகுமாரி, ராஜேஸ்வரி, மணிமேகலை, புனிதஞானதிலகம், ஜோதிமணி, ஆசிரியா் ரவிசங்கா், தனியாா் பள்ளி ஆசிரியா்கள் செல்வி சிவா, மணிகண்டன், பால்ராஜ், உடற்கல்வி ஆசிரியா் வெங்கடேஷ் ஆகியோருக்கு ‘சீா்மிகு ஆசிரியா்’ விருது, பாராட்டுச் சான்றிதழ்களையும் வாழப்பாடி அரிமா சங்க பட்டயத் தலைவா் சந்திரசேகரன், அரிமா மாவட்ட தூதா் மோதிலால், நிகழாண்டு தலைவா் ஜவஹா், செயலாளா்கள், இயக்குநா்கள் வழங்கிக் கௌரவித்தனா்.