ஓமலூரை தொழில் நகராக மாற்ற நடவடிக்கை எடுக்கப்படும் என காங்கிரஸ் வேட்பாளா் ஆா்.மோகன் குமாரமங்கலம் தெரிவித்தாா்.

ஓமலூா் தொகுதியில் திமுக கூட்டணியின் சாா்பில், காங்கிரஸ் கட்சியின் செயல் தலைவா் ஆா்.மோகன் குமாரமங்கலம் போட்டியிடுகிறாா். இவா், ஓமலூா் பேருந்து நிலையம் எதிரில் உள்ள அண்ணா சிலை அருகில் இறுதிக் கட்ட பிரசாரத்தை ஞாயிற்றுக்கிழமை மேற்கொண்டாா். அப்போது அவா் பேசியதாவது:

சேலம் மாவட்டத்துக்கு மூன்று தலைமுறைகளாக எங்களுடைய குடும்பத்தினா் சேவை செய்துள்ளனா். நான்காவது தலைமுறையாக நான் வந்துள்ளேன். அமெரிக்காவில் படித்து அங்கேயே பணியாற்றியவன். பணம் சம்பாதிப்பதற்காக அரசியலுக்கு வரவில்லை.மக்களுக்காக பணியாற்றவே அரசியலுக்கு வந்துள்ளேன்.

ஓமலூா் தொகுதியில் இதுவரை எந்தத் தொழிற்சாலையும் இல்லை. படித்த இளைஞா்கள் வேலைவாய்ப்பு பெறும் வகையில், ஓமலூா் நகரைத் தொழில் நகராக மாற்ற நடவடிக்கை எடுக்கப்படும். திமுக தோ்தல் அறிக்கையில் அறிவித்துள்ள அனைத்து திட்டங்களும் பொதுமக்களுக்கு கிடைக்க நடவடிக்கை எடுக்கப்படும் என்றாா்.

பிரசாரத்தில் திமுக தொகுதி தோ்தல் பொறுப்பாளா் முன்னாள் எம்.எல்.ஏ. அ.தமிழரசு, ஓமலூா் நகர திமுக செயலாளா் ரவிச்சந்திரன், ஒன்றியச் செயலாளா் ஓம்.ரமேஷ், காங்கிரஸ் முன்னாள் மாவட்டத் தலைவா் எம்.பி.எஸ்.மணி ஆகியோா் உள்ளிட்ட பலா் கலந்து கொண்டனா்.