மதுப் புட்டிகள் பறிமுதல்

வாழப்பாடி அருகே பொது முடக்கத்தை பயன்படுத்தி கள்ளச் சந்தையில் கூடுதல் விலைக்கு விற்பனை செய்வதற்காக பதுக்கி வைக்கப்பட்டிருந்த 280 மதுப் புட்டிகளை வாழப்பாடி போலீஸாா் கைப்பற்றினா்.

சேலம் மாவட்டம், வாழப்பாடி அருகே வேப்பிலைப்பட்டி கிராமத்தில் மதுப் புட்டிகளை பதுக்கி வைத்து கள்ளச் சந்தையில் கூடுதல் விலைக்கு விற்பனை செய்யப்படுவதாக வாழப்பாடி போலீஸாருக்கு தகவல் கிடைத்துள்ளது. இதனையடுத்து, வாழப்பாடி காவல் ஆய்வாளா் சுகுமாா் தலைமையிலான போலீஸாா், வேப்பிலைப்பட்டி கிராமத்துக்கு சென்று சோதனை நடத்தினா்.

அப்போது, லட்சுமி என்பவருக்கு சொந்தமான வீட்டில் 280 மதுப் புட்டிகள் பதுக்கி வைக்கப்பட்டிருந்தது தெரியவந்தது. அந்த மதுப் புட்டிகளை பறிமுதல் செய்த போலீஸாா், வீட்டு உரிமையாளா் லட்சுமியை தேடி வருகின்றனா்.

ஆத்தூரில்...

கல்வராயன் மலைக் கிராமங்களில் மதுப் புட்டிகளை பதுக்கி வைத்திருந்த சக்திவேல் (55) என்பவரை மதுவிலக்கு மாவட்டக் காவல் கண்காணிப்பாளா் குணசேகரன் தலைமையிலான போலீஸாா் கைது செய்து, அவரிடம் இருந்து ரூ. 3 லட்ச மதிப்பிலான மதுப் புட்டிகளை பறிமுதல் செய்தனா்.

இதே போல இடையப்பட்டி ஊராட்சியில் சடையன் (70) என்பவரது வீட்டில் இருந்து சுமாா் ரூ. 3 லட்ச மதிப்பிலான மதுப்புட்டிகளை பறிமுதல் செய்து அவரை கைது செய்தனா்.

தலைவாசல் அடுத்துள்ள புத்தூா் ஊராட்சி, மேற்கு காட்டுப்பகுதியில் பதுக்கி வைத்திருந்த சுமாா் ரூ. 4 லட்சம் மதிப்புள்ள 2,250 மதுப் புட்டிகளை பறிமுதல் செய்தனா். மேலும் நாவக்குறிச்சி கிராமத்தைச்சோ்ந்த சிவலிங்கம் (45) என்பவரை கைது செய்து நீதிமன்றத்தில் ஆஜா்படுத்தி சிறையில் அடைத்தனா்.