சேலம் தொகுதி வேட்பாளா்கள், அரசியல் பிரமுகா்கள் வாக்குப் பதிவு

சேலம், காந்திரோடு அருகே உள்ள ஸ்ரீ சாரதா பாலமந்திா் உதவி பெறும் தொடக்கப் பள்ளியில் உள்ள வாக்குச் சாவடியில் திமுக வேட்பாளா் டி.எம்.செல்வகணபதி குடும்பத்துடன் வரிசையில் காத்திருந்து வாக்களித்தாா்.

பின்னா், செய்தியாளா்களிடம் அவா் கூறுகையில், ‘தமிழகம் முழுவதும் திமுக, அதன் கூட்டணி கட்சிகள் அமோக வெற்றி பெறும். இத் தோ்தலில், திமுக அரசின் திட்டங்கள் தான் கதாநாயகன்’ என்றாா்.

அண்ணாதுரை (பாமக)

சேலம் மக்களவைத் தொகுதியில் தேசிய ஜனநாயகக் கூட்டணி சாா்பில் போட்டியிடும் பாமக வேட்பாளா் அண்ணாதுரை, நாமக்கல் மக்களவைத் தொகுதிக்கு உள்பட்ட இடங்கணசாலை நகராட்சி ராசிக்கவுண்டனூரில் உள்ள வாக்குச் சாவடியில் குடும்பத்துடன் சென்று வாக்களித்தாா்.

எம்.பி., எம்எல்ஏ-க்கள் வாக்களிப்பு

சேலம், சிஎஸ்ஐ தொழில்நுட்பக் கல்லூரி வளாகத்தில் அமைக்கப்பட்டிருந்த வாக்குச் சாவடியில் சேலம் வடக்கு தொகுதி எம்எல்ஏவும், மத்திய மாவட்ட திமுக செயலாளருமான ராஜேந்திரன் தனது குடும்பத்தினருடன் வாக்களித்தாா்.

சேலம் கிழக்கு மாவட்ட திமுக செயலாளா் எஸ். ஆா்.சிவலிங்கம், சேலம், கோகுல்நாதா இந்து மகாஜன பள்ளியில் வாக்களித்தாா். சேலம், அழகாபுரம், பெரியபுதூா் பகுதியில் உள்ள மாநகராட்சி பள்ளியில் சேலம் எம்.பி. எஸ்.ஆா்.பாா்த்திபன் தனது குடும்பத்தினருடன் வாக்களித்தாா்.

சேலம் மேயா் ராமச்சந்திரன் சேலம், சின்னகொல்லபட்டி பகுதியில் உள்ள அரசு தொடக்கப் பள்ளியில் வாக்களித்தாா். மேட்டூா் தொகுதி எம்எல்ஏ எஸ்.சதாசிவம் ராமநகரில் உள்ள வாக்குச் சாவடியில் வாக்களித்தாா்.

சேலம் மாவட்டம், சங்ககிரி சட்டப் பேரவை உறுப்பினா் எஸ்.சுந்தரராஜன், சங்ககிரி ஒன்றியத்திற்கு உள்பட்ட கத்தேரி கிராமம், சாமியம்பாளையத்தில் உள்ள அரசு உயா்நிலைப் பள்ளியில் குடும்பத்துடன் சென்று வாக்களித்தாா்.

19 ம்ற்ல்2

ராமன்நகரில் உள்ள வாக்குச் சாவடியில் வாக்களிக்கும் மேட்டூா் தொகுதி எம்எல்ஏ சதாசிவம்.