ஏற்காட்டில் சுற்றுலாத் துறை ஆணையா் ஆய்வு

ஏற்காட்டில் சுற்றுலாத் துறை ஆணையா் சமயமூா்த்தி செவ்வாய்க்கிழமை பல்வேறு இடங்களில் ஆய்வு செய்தாா்.

சேலம் மாவட்டம், ஏற்காடு சுற்றுலாத் தலத்திற்கு ஆண்டுதோறும் சுமாா் 5 லட்சத்துக்கும் மேல் சுற்றுலாப் பயணிகள் வந்து செல்கின்றனா். இந்நிலையில் இந்தப் பகுதிகளை மேம்படுத்தும் வகையில் சுற்றுலாத் துறை ஆணையா் சமயமூா்த்தி செவ்வாய்க்கிழமை ஆய்வு செய்தாா்.

ஏற்காடு, அண்ணா பூங்காவில் கட்டப்பட்டு வரும் கழிவறைகளைப் பாா்வையிட்டு நவீன முறையில் மாற்றுத்திறனாளிகள், முதியோா் பயன்படுத்தும் வகையில் கழிவறைகள் அமைக்க வேண்டும். மரக்கன்றுகள், பூஞ்செடிகளை அமைக்க வேண்டும் என்றாா்.

பின்னற் படகு இல்லம் சென்ற அவா், படகில் செல்லும் சுற்றுலாப் பயணிகள் பாதுகாப்பு உடை அணிவதைக் கட்டயமாக்க வேண்டும் என அறிவுறுத்தினாா். அங்கு சுற்றுலாப் பயணிகளுக்கு குடிநீா், கழிவறை போன்ற அனைத்து வசதிகளும் செய்து கொடுக்க வேண்டும். சுற்றுலா வழித்தடங்களை அறிய அறிவிப்புப் பலகைகள் ஆங்காங்கே வைக்க வேண்டும் என்றாா்.

பின்னா், தமிழ்நாடு ஹோட்டலுக்குச் சென்ற அவா் விடுதியில் படுக்கைகள், குழியல் அறை, கழிவறைகளைப் பாா்வையிட்டப் பின்பு அரசு அதிகாரிகளுடன் ஆலோசனை நடத்தினாா். இந்த ஆய்வின்போது கூடுதல் மாவட்ட ஆட்சியா் ஏ.பி மகாபாரதி, தோட்டக்கலைத் துறை அலுவலா்கள், தமிழ்நாடு ஹோட்டல் மேலாளா், வட்டாட்சியா் உடனிருந்தனா்.