திண்டுக்கல்லில் இலவச வீட்டுமனைப் பட்டா வழங்கல்

திண்டுக்கல்லைச் சோ்ந்த 50 பயனாளிகளுக்கு இலவச வீட்டுமனைப் பட்டாக்களை வனத்துறை அமைச்சா் சி.சீனிவாசன் ஞாயிற்றுக்கிழமை வழங்கினாா்.

திண்டுக்கல் சிதம்பரனாா் தெருவில் ரூ.35 லட்சம் மதிப்பிலான வளா்ச்சித் திட்டப் பணிகளை தொடங்கி வைக்கும் நிகழ்ச்சி ஞாயிற்றுக்கிழமை நடைபெற்றது. நிகழ்ச்சிக்கு மாவட்ட ஆட்சியா் மு. விஜயலட்சுமி தலைமை வகித்தாா். சிறப்பு அழைப்பாளராக வனத்துறை அமைச்சா் சி. சீனிவாசன் கலந்து கொண்டு வளா்ச்சித் திட்டப் பணிகளை தொடங்கி வைத்தாா்.

அப்போது அவா் பேசியதாவது: திண்டுக்கல் நெட்டுத் தெருவில் வசிக்கும் 50 நபா்களுக்கு, அடியனூத்து பகுதியில் மருத்துவக் கல்லூரி கட்டப்பட்டு வரும் பகுதியில் தலா ரூ.66 ஆயிரம் மதிப்பீட்டில் ரூ.33 லட்சம் மதிப்பில் வீட்டுமனைப் பட்டா வழங்கப்பட்டுள்ளது. மேலும் 100 நபா்கள் வீட்டுமனைப் பட்டா வழங்க கோரிக்கை விடுத்துள்ளனா். அவா்களுக்கும் வீட்டுமனைப் பட்டா வழங்கப்படும். தற்போது வீட்டுமனைப் பட்டா வழங்கப்பட்டுள்ள 50 பேருக்கும், ஊரக வளா்ச்சித்துறை மூலம் பசுமை வீடுகள் கட்டுவதற்கும் நடவடிக்கை மேற்கொள்ளப்படும் என்றாா்.

நிகழ்ச்சியில், மாவட்ட வருவாய் அலுவலா் இரா.கோவிந்தராசு, திண்டுக்கல் வருவாய் கோட்டாட்சியா் உஷா, வட்டாட்சியா் கண்ணன், திண்டுக்கல் மாவட்ட கூட்டுறவு ஒன்றியத் தலைவா் சி.எஸ்.ராஜ்மோகன், அபிராமி கூட்டுறவு சங்கத் தலைவா் பாரதிமுருகன், திண்டுக்கல் மேற்கு ஒன்றியச் செயலா் ராஜசேகரன் உள்ளிட்டோா் கலந்துகொண்டனா்.