கொடைக்கானலில் அதிகரித்து வரும் பனிப் பொழிவால் பொதுமக்களின் அன்றாடப் பணிகள் பாதிக்கப்பட்டுள்ளன.

கொடைக்கானலில் டிசம்பா் மாதம் கடுமையான பனிப் பொழிவு காலம். நிகழாண்டில் இந்த மாதத்தில் 20 நாள்களாக மழை பெய்ததால் பனியின் தாக்கம் இல்லாமல் இருந்தது. மழைப் பொழிவு குறைந்ததையடுத்து பனியின் தாக்கம் தொடங்கியது. கடந்த ஒரு வாரத்திற்கும் மேலாக அதிகமான பனிப் பொழிவு நிலவி வருகிறது. ஏரியில் அதிகமாகக் காணப்படும் பனிப் பொழிவு, காலையில் 8 மணிக்கு மேல் வெயில்படும் போது பனி விலகுவது நடைபயிற்சியாளா்களை கவா்ந்துள்ளது. ஆனால் பனியின் தாக்கத்தில் பொது மக்களின் அன்றாடப் பணிகள் பாதிக்கப்பட்டுள்ளன.