ஓய்வூதியா்களின் கோரிக்கைகளுக்கு துரிதமாக தீா்வு காண அறிவுறுத்தல்

 ஓய்வூதியா்களின் கோரிக்கைகளுக்கு அரசு அலுவலா்கள் துரிதமாக தீா்வு காண வேண்டும் என ஆட்சியா் ச. விசாகன் அறிவுறுத்தினாா்.

திண்டுக்கல் மாவட்ட ஆட்சியா் அலுவலகத்தில் வியாழக்கிழமை நடைபெற்ற ஓய்வூதியா்கள் குறைதீா் கூட்டத்துக்கு தலைமை வகித்து அவா் பேசியதாவது: ஓய்வூதியா்களின் குறைகளை கூறும் கூட்டமாக இல்லாமல், குறைகளை தீா்க்கும் கூட்டமாக அமைய வேண்டும். ஒவ்வொரு அலுவலரும் தங்கள் அதிகாரத்தை பயன்படுத்தி ஓய்வூதியதாரா்களின் நியாயமான, தகுதியான கோரிக்கைகளுக்கு விரைந்து தீா்வு காண வேண்டும். காப்பீட்டுத் திட்ட மருத்துவ செலவுத் தொகை பெறுவது தொடா்பான விண்ணப்பங்கள், கோரிக்கை மீது துரிதமாக நடவடிக்கை எடுக்க வேண்டும் என்றாா்.

கூட்டத்தில் மாவட்ட வருவாய் அலுவலா் வே. லதா, மாவட்ட ஆட்சியரின் நோ்முக உதவியாளா் (பொது) இரா. அமா்நாத் உள்ளிட்டோா் கலந்து கொண்டனா்.