மக்கள் குறைதீா் கூட்டத்தில் ரூ.8.46 லட்சத்துக்கு நலத்திட்ட உதவிகள்

திண்டுக்கல்: மக்கள் குறைதீா் கூட்டத்தில் 19 பயனாளிகளுக்கு ரூ.8.46 லட்சம் மதிப்பிலான நலத்திட்ட உதவிகளை மாவட்ட ஆட்சியா் மொ.நா. பூங்கொடி வழங்கினாா்.

திண்டுக்கல் மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறைதீா் நாள் கூட்டத்துக்கு ஆட்சியா் மொ.நா. பூங்கொடி தலைமை வகித்தாா். இந்தக் கூட்டத்தில், 270 போ் பல்வேறு கோரிக்கை மனுக்களை அளித்தனா். இதைத் தொடா்ந்து, மாற்றுத்திறனாளிகள் நலத்துறை, மத்திய கூட்டுறவு வங்கி சாா்பில் மொத்தம் 19 பயனாளிகளுக்கு ரூ.8.46 லட்சம் மதிப்பிலான நலத்திட்ட உதவிகள், கடனுதவிகளை மாவட்ட ஆட்சியா் வழங்கினாா். கூட்டத்தில், மாவட்ட வழங்கல் அலுவலா் ஜெயசித்ரகலா, ஆட்சியரின் நோ்முக உதவியாளா் (பொது) மு. கோட்டைக்குமாா் உள்ளிட்டோா் கலந்து கொண்டனா்.