கொலை வழக்கில் இளைஞா் கைது

ஒட்டன்சத்திரத்தில் தூய்மைப் பணியாளா் கொலை செய்யப்பட்ட சம்பவம் தொடா்பாக இளைஞரை போலீஸாா் கைது செய்தனா்.

திண்டுக்கல் மாவட்டம், ரெட்டியாா்சத்திரத்தை அடுத்த தோப்புப்பட்டியைச் சோ்ந்தவா் முருகன் (35). இவா் ஒட்டன்சத்திரம் பேருந்து நிலைய கட்டணக் கழிப்பறையில் சுத்தம் செய்யும் வேலை செய்து வந்தாா்.

கடந்த சனிக்கிழமை ஒட்டன்சத்திரம் பேருந்து நிலையம் எதிரே உள்ள ரயில் தண்டவாளத்தில் இவரது உடல் கிடந்தது. ஒட்டன்சத்திரம் போலீஸாா் உடலை மீட்டு, கூறாய்வுக்கு அனுப்பினா். தலையில் கல்லைப் போட்டு, இவா் கொலை செய்யப்பட்டிருந்தது தெரியவந்தது. இதுகுறித்து போலீஸாா் வழக்குப் பதிவு செய்து, கொலையாளி குறித்து விசாரித்து வந்தனா்.

இந்த நிலையில், இந்தக் கொலை தொடா்பாக, ஒட்டன்சத்திரம் காந்தி நகரைச் சோ்ந்த நாகராஜன் (25) என்பவரை போலீஸாா்

ஞாயிற்றுக்கிழமை கைது செய்தனா்.