குப்பைக் கிடங்கை மாற்றக் கோரிக்கை

கொடைக்கானல் அருகேயுள்ள கவுஞ்சி கிராமத்தில் ஊராட்சி ஒன்றிய தொடக்கப் பள்ளியருகே உள்ள குப்பைக் கிடங்கை மாற்ற இந்தப் பகுதி மக்கள் கோரிக்கை விடுத்தனா்.

திண்டுக்கல் மாவட்டம், கொடைக்கானல் மேல்மலைக் கிராமமான கவுஞ்சிப் பகுதியில் அமைந்துள்ள ஊராட்சி ஒன்றியத் தொடக்கப் பள்ளியின் அருகே குப்பைக் கிடங்கு உள்ளது.

கிராமப் பகுதிகளிலுள்ள குப்பைகளை இங்கு கொண்டுவந்து கொட்டுவதால் பள்ளி மாணவா்களுக்கு அடிக்கடி நோய் தொற்று ஏற்படுகிறது. மேலும், இந்தப் பகுதி மக்களுக்கும் நோய் பாதிப்பு ஏற்படுகிறது.

எனவே, குப்பைத் தொட்டியை வேறு இடத்துக்கு மாற்றுவதற்கு ஊராட்சி ஒன்றிய அலுவலா்கள் நடவடிக்கை எடுக்க வேண்டும் என பொது மக்கள் கோரிக்கை விடுத்தனா்.