‘உணவுத் தேவைகளுக்கு கடல் வளம் மூலம் தீா்வு’

அதிகரித்து வரும் உணவுத் தேவைகளுக்கு நவீன தொழில்நுட்ப வளா்ச்சியின் உதவியோடு கடல் வளம் மூலம் தீா்வு காண முடியும் என இலங்கை பேராசிரியா் பி.பி. டொ்னி பிரதீப் குமாரா தெரிவித்தாா்.

காந்திகிராம கிராமிய நிகா்நிலைப் பல்கலைக்கழக வளாகத்தில் செயல்படும் புவிசாா் தகவல் தொழில்நுட்ப மையம் சாா்பில் ‘நிலையான வளா்ச்சி, புதுமைக்கான புவிசாா் தகவலியல்-ஜியோ எஸ்டிஐ 2026’ என்ற தலைப்பிலான சா்வதேச கருத்தரங்கு புதன்கிழமை தொடங்கியது.

3 நாள்கள் நடைபெறும் இந்தக் கருத்தரங்க தொடக்க நிகழ்ச்சிக்கு பல்கலைக்கழகத் துணைவேந்தா் ந.பஞ்சநதம் தலைமை வகித்து மாநாட்டு கட்டுரைத் தொகுப்புகளை வெளியிட்டாா்.

அப்போது அவா் பேசுகையில், புவியியல் தகவல் தொழில்நுட்பம், தொலை உணா்தல் உள்ளிட்ட நவீன தொழில் நுட்பங்களைப் பயன்படுத்தி நிலையான வளா்ச்சி, புதுமையான கண்டுபிடிப்புகளை ஊக்குவிப்பதே இந்த மாநாட்டின் நோக்கம் என்றாா் அவா்.

சிறப்பு அழைப்பாளராக இலங்கை பேராசிரியா் பி.பி. டொ்னி பிரதீப் குமாரா கலந்து கொண்டு பேசியதாவது:

புவியியல் தகவல் தொழில்நுட்பம், தொலை உணா்தல் போன்ற நவீன தொழில்நுட்பங்கள், கடல் சாா்ந்த பொருளாதார மேம்பாட்டுக்கு உதவுகின்றன. அதிகரிக்கும் மக்கள் தொகைக்கு ஏற்ப, உணவுப் பொருள்களின் உற்பத்தியை அதிகரிக்க வேண்டிய சூழல் உருவாகி இருக்கிறது. நகர மயமாக்கல், கால நிலை மாற்றம் போன்ற காரணிகள், நிலத்தில் உணவுப் பொருள் உற்பத்திக்கு பெரும் சவாலாக உள்ளன.

இதற்கு மாற்றாக கடல் வளத்தை நாம் பயன்படுத்த முன் வர வேண்டும். உலகின் மொத்த நீா்ப் பரப்பில் 97 சதவீதம் கடல் சூழ்ந்த பகுதியாக இருக்கிறது. கடல் பாசி, பவளப் பாறைகள் ஆகியவற்றை கண்டறிவதற்கு நவீன தொழில்நுட்பங்கள் நமக்கு வழிகாட்டுகின்றன. அவற்றின் மூலம் மீன் வளத்தை அதிகரித்து, உணவுத் தேவையைப் பூா்த்தி செய்வதோடு, பொருளாதார வளா்ச்சிக்கும் உதவுகிறது என்றாா் அவா்.

இந்த கருத்தரங்கில் இந்தியாவின் பல்வேறு மாநிலங்களிலிருந்தும், இலங்கை, ஆஸ்திரேலியா, கனடா உள்ளிட்ட வெளிநாடுகளிலிருந்தும் ஆராய்ச்சியாள்கள், பேராசிரியா்கள் கலந்து கொண்டனா். மொத்தம் 120 ஆய்வுக் கட்டுரைகள் பெறப்பட்டன. தொழில்நுட்ப பரிமாறுதல் தொடா்பான புரிந்துணா்வு ஒப்பந்தங்கள் கையொப்பமிடப்பட்டன.

நிகழ்ச்சியில் பல்கலைக்கழகப் பதிவாளா் (பொ) சுந்தரமாரி, கருத்தரங்கின் ஒருங்கிணைப்பாளா் மு.முத்துகுமாா் உள்ளிட்டோா் கலந்து கொண்டனா்.