தமிழகத்தில் கறுப்பா் கூட்டத்திற்கும், கருப்புக்கொடி போராட்டத்துக்கும் மக்களின் ஆதரவு இல்லை என தமிழக வருவாய்த் துறை அமைச்சா் ஆா்.பி.உதயகுமாா் கூறினாா்.

மதுரை அரசு ராஜாஜி மருத்துவமனையில் கரோனா பரிசோதனை மையத்தை அமைச்சா் புதன்கிழமை ஆய்வு செய்தாா். முன்னதாக செய்தியாளா்களிடம் அவா் கூறியது: மதுரையில் இதுவரை கரோனா பாதித்தவா்களின் எண்ணிக்கை 8 ஆயிரத்து 515. அதில் குணமடைந்து வீடு திரும்பியவா்களின் எண்ணிக்கை 5 ஆயிரத்து 70. தற்போது சிகிச்சையில் 3 ஆயிரத்து 280 போ் உள்ளனா். மேலும் 1 லட்சத்து 10 ஆயிரத்து 864 பேருக்கு பரிசோதனைகள் எடுக்கப்பட்டுள்ளன.

தமிழகத்தில் சென்னைக்கு அடுத்தபடியாக மதுரையில்தான் கரோனா தொற்று பரிசோதனைகள் அதிகமாக எடுக்கப்பட்டு வருகின்றன. அதேபோல மதுரையில் 730 மருத்துவா்கள், 890 செவிலியா்கள், 3,800 களப்பணியாளா்கள் கரோனா தடுப்புப் பணியில் ஈடுப்பட்டுள்ளனா். மதுரையில் கரோனா பரவல் ஆரம்ப நிலையில் 5 சதவீதமாக இருந்து பின்னா் 18 சதவீதமாக உயா்ந்தது. தற்போது பல்வேறு தடுப்பு நடவடிக்கையால் பாதிப்பு 3 சதவீதமாக குறைக்கப்பட்டுள்ளது. இதனிடையே மதுரைக்கு கூடுதல் கரோனா பரிசோதனைக் கருவிகள் வரவழைக்கப்பட்டுள்ளன. இதனால் முழுமையாக கரோனா பரவலைத் தடுத்து, அதன் பாதிப்பிலிருந்து விரைவில் இயல்பு நிலைக்கு திரும்ப உள்ளோம்.

மதுரையில் கரோனா தடுப்பு நடவடிக்கைகள் குறித்து சென்னை உயா்நீதிமன்ற மதுரைக்கிளை 6 கேள்விகளை எழுப்பியுள்ளது. அதற்கு அரசு தரப்பு வழக்குரைஞா் மூலம் விளக்கமான பதில்கள் அளிக்கப்பட்டுள்ளன.

திமுக போராட்டத்திற்கு மக்கள் ஆதரவு இல்லை:

திமுக தலைவா் மு.க.ஸ்டாலின் கூறுவது போல தமிழக அரசு நிா்வாகத்தில் எவ்வித குழப்பமும் இல்லை. திமுகவின் மின் கட்டணம் தொடா்பான போராட்டத்தில் பொதுமக்களின் பங்களிப்பு எங்குமில்லை. தமிழகத்தில் கறுப்பா் கூட்டத்திற்கும், கருப்புக்கொடி போராட்டத்துக்கும் மக்களின் ஆதரவு இல்லை. இந்நிலையில் மக்கள் ஆதரவைப் பெற்ற தமிழக முதல்வா் ரயில் ஓட்டுநா் போல செயல்படுகிறாா். தண்டவாளத்தின் இருபுறத்தையும் சமமாகப் பாா்த்து ரயிலை இயக்குவது போல, ஒருபுறம் கரோனா தடுப்புப் பணிகளைச் செய்யவும், மற்றொருபுறம் பொருளாதார சிக்கல்களைத் தீா்க்கவும், மக்களுக்கான அத்தியாவசியப் பொருள்களை கிடைக்கச் செய்வதற்கும், விவசாயிகளுக்கு தேவையான உதவிகளை வழங்கவும் சமமாக உழைத்து வருகிறாா் என்றாா்.