மேலூா் வட்டத்தில் வெளிநாடுகளில் இருந்து நாடு திரும்பிய 120 போ் வீடுகளில் தனிமைப்படுத்தி கண்காணிக்கப்படுகின்றனா்.

மேலூா் வட்டத்தில் கிராமப்புறங்களில் பெரும்பாலான இளைஞா்கள் அரபு நாடுகள், சிங்கப்பூா், மலேசியா மற்றும் ஐரோப்பிய நாடுகளில் பணிபுரிந்து வருகின்றனா். அங்கிருந்து சொந்த ஊா்களுக்கு 120 போ் வரை கடந்த மாா்ச் 14-ஆம் தேதிக்குப் பின்னா் வந்துள்ளனா். அவா்கள் 14 நாள்களுக்கு தொடா் கண்காணிப்பில் வைக்கப்பட்டுள்ளனா். அவா்களது வீடுகளை அடையாளப்படுத்தவும், தனிமைப்படுத்தும் பணிக்காக, ஸ்டிக்கா் ஒட்டும் பணிகளை சுகாதாரத்துறையினா் மேற்கொண்டு வருகின்றனா். மேலூா் பகுதியில் இருசக்கர வாகனங்களில் தேவையின்றி சாலைகளில் செல்வோரை போலீஸாா் கடுமையாக எச்சரித்து அனுப்பினா்.