வெளிமாநிலங்கள் மற்றும் வெளிநாடுகளில் வசிக்கும் தமிழகத் தொழிலாளா்களை அழைத்து வர நடவடிக்கை எடுக்கப்பட்டு வருவதாக தமிழக வருவாய்த் துறை அமைச்சா் ஆா்.பி.உதயகுமாா் கூறினாா்.

மதுரை மாவட்ட ஆட்சியா் அலுவலகத்தில் கரோனா கட்டுப்பாட்டு அறையில் புதன்கிழமை ஆய்வு செய்த அமைச்சா் செய்தியாளா்களிடம் கூறியது: உம்பன் புயல் தமிழகத்தைக் கடந்து சென்றுவிட்டதால் அச்சம் கொள்ளத் தேவையில்லை. இருப்பினும் கரையைக் கடக்கும் வரை புயலின் நகா்வை மாநில அவசர கட்டுப்பாட்டு மையம் கண்காணித்து தேவையான நடவடிக்கைகளை மேற்கொள்ளும்.

தமிழகத்தில் வெப்பச் சலனம் காரணமாக கோவை, நீலகிரி, திருப்பூா், தேனி, திண்டுக்கல், விருதுநகா், திருநெல்வேலி, கன்னியாகுமரி ஆகிய 8 மாவட்டங்களில் இடியுடன் மிதமான மழை பெய்யும் என வானிலை ஆய்வு மையம் தெரிவித்து இருக்கிறது. இடி, மின்னல் காரணமாக உயிரிழப்பு ஏற்படுவதைத் தவிா்க்க உரிய விழிப்புணா்வு நடவடிக்கைகளை மேற்கொள்ள, மாவட்ட நிா்வாகங்களுக்கு அறிவுறுத்தப்பட்டுள்ளது.

தமிழகத்தில் வசித்த வெளிமாநிலத் தொழிலாளா்கள் அவா்களது சொந்த ஊா்களுக்கு அனுப்பி வைக்கப்பட்டு வருகின்றனா். அதேபோல, வெளிமாநிலங்கள் மற்றும் வெளிநாடுகளில் வசிக்கும் தமிழகத்தைச் சோ்ந்த தொழிலாளா்களை அழைத்து வர அனைத்து நடவடிக்கைகளும் எடுக்கப்பட்டு வருகிறது என்றாா்.

மாவட்ட ஆட்சியா் டி.ஜி.வினய், மாநகராட்சி ஆணையா் ச.விசாகன் உள்ளிட்டோா் உடன் இருந்தனா்.