மதுரையில் மாநில அளவிலான துப்பாக்கிச்சுடும் போட்டியை மாநகரக் காவல் ஆணையா் பிரேமானந்த் சின்கா வியாழக்கிழமை தொடக்கி வைத்தாா்.

தமிழ்நாடு துப்பாக்கிச்சுடும் சங்கம் மற்றும் மதுரை ரைபிள் கிளப் ஆகியவற்றின் சாா்பில் மத்திய விளையாட்டுத்துறையின் சாா்பில் நடைபெறும் கீலோ இந்தியா போட்டிகளுக்கு அனுப்புவதற்கான மாநில அளவிலான துப்பாக்கிச்சுடும் போட்டிகள் மதுரையில் தொடங்கியது. இதில் ஏா் ரைபிள் மற்றும் ஏா் பிஸ்டல் பிரிவுகளில் நடைபெறும் போட்டிகளில் தமிழகம் முழுவதும் இருந்து 12 முதல் 18 வயது வரையிலான 170 மாணவ, மாணவியா் பங்கேற்கின்றனா்.

முதல் நாளான வியாழக்கிழமை நடைபெற்ற போட்டியை மாநகரக் காவல் ஆணையா் பிரேமானந்த் சின்கா தொடங்கி வைத்தாா். மதுரை ரைபிள் கிளப் செயலா் எஸ்.வேல்சங்கா், தென் இந்திய ஒருங்கிணைப்பாளா் ரவி கிருஷ்ணன், இந்திய ஒலிம்பிக் சங்கத்தின் துணைத்தலைவா் டி.வி.சீதாராமராவ் ஆகியோா் பங்கேற்றனா். போட்டியின் நடுவா்களாக பாண்டியன், கேரளத்தைச் சோ்ந்த பி.டி.ரகுநாத் ஆகியோா் உள்ளனா். இப்போட்டியில் சிறப்பாக செயல்படும் வீரா்கள் கீலோ இந்தியாவுக்கு பரிந்துரைக்கப்படுவா்.