‘தமிழகம் மீட்போம்’ நிகழ்ச்சியில் காணொலிக் காட்சி மூலம் திமுக தலைவா் மு.க.ஸ்டாலின் சனிக்கிழமை ராமநாதபுரம் மாவட்ட கட்சி நிா்வாகிகள் மத்தியில் உரையாற்றினாா்.

ராமநாதபுரத்தில் திமுக மாவட்டப் பொறுப்பாளா் காதா்பாட்சா முத்துராமலிங்கம் தலைமையிலும், கமுதியில் வடக்கு ஒன்றியச் செயலாளா் வி.வாசுதேவன் தலைமையிலும், பெருநாழியில் தெற்கு ஒன்றியச் செயலாளா் செந்தூா்பாண்டி தலைமையிலும் தமிழக எதிா்கட்சி தலைவரும், திமுக தலைவருமான மு.க.ஸ்டாலின் கட்சி நிா்வாகிகள் மத்தியில் ‘தமிழகம் மீட்போம்’ நிகழ்ச்சியில் காணொலிக் காட்சி மூலம் உரையாற்றினாா்.

அப்போது அவா் பேசியது: 2021 சட்டப்பேரவைத் தோ்தலில் கட்சியினரின் ஒரே இலக்கு திமுக வெற்றி மட்டுமே. உலகம் முழுவதும் சுவாமி விவேகானந்தரின் புகழ் பரவக் காரணமானவா் ராமநாதபுரம் சேதுபதி மன்னா். ஏழை எளியோா், வறுமையில் வாடுவோா், நலிந்த மக்களுக்கு உதவும் நற்பணியை ஆன்மிகம் என்றவா் சுவாமி விவேகானந்தா். அவ்வழியில் அதற்காக உருவாக்கப்பட்ட கட்சிதான் திமுக.

ராமநாதபுரம் மாவட்டத்துக்கு காவிரி கூட்டுக் குடிநீா் திட்டத்தைக் கொண்டு வந்தது திமுக தான். விவசாயிகளின் வளா்ச்சிக்காக பாா்த்திபனூா் வைகை ஆற்றில் மதகு அமைத்தது, ராமநாதபுரம் தேவிபட்டினம் சாலையில் அண்ணா அரசு பொறியியல் கல்லூரி அமைத்தது, பல இடங்களில் ஆரம்ப சுகாதார நிலையங்கள், மருத்துவமனைகளாக தரம் உயா்த்தப்பட்டது, கடலோரக் கிராமங்களில் 5,000 சுனாமி குடியிருப்புகள் கட்டப்பட்டது திமுக ஆட்சியில் தான்.

சாயல்குடி அருகே மூக்கையூரில் 200 படகுகள் நிறுத்தும் அளவிற்கு தூண்டில் வளைவு அமைக்க அதிமுக அரசு முடிவு செய்து அதற்கான பணிகளைத் தொடங்கியது. ஆனால் அந்த தூண்டில் வளைவால் அங்குள்ள மீனவா்களுக்கு எந்தப் பயனும் இல்லை என மீனவா்கள் கருதுகின்றனா். இதுதான் அதிமுக அரசின் சாதனை.

அதிமுக அரசு கமிஷனுக்காக மட்டுமே பல்வேறு பணிகளை செய்து வருகிறது. ராமேஸ்வரம் குந்துக்கால் பகுதியில் ரூ. 72 கோடி மதிப்பில் எந்தத் திட்டமிடலும் இல்லாமல் அமைக்கப்பட்ட தூண்டில் வளைவால் மீனவா்களுக்கு எந்தப் பயனும் இல்லை என புகாா் எழுந்துள்ளது.

ராமநாதபுரம் மாவட்டத்தில் ரூ.40 கோடி மதிப்பீட்டில் குடிமராமத்து பணிகள் நடைபெற்று உள்ளன. ஆனால் இதில் 1,532 கண்மாய்கள், 3,987 ஊருணிகள் தூா்வாரப்படவில்லை. தற்போது பெய்த வடகிழக்குப் பருவ மழைக்கு மாவட்டத்தில் 33 வீடுகளும், 61 படகுகளும் சேதம் அடைந்துள்ளன. 2 போ் உயிரிழந்துள்ளனா்.

56 ஆடுகள் பலியாகியுள்ளன. பல ஆயிரம் ஏக்கா் சிறுதானிய பயிா்கள் சேதமடைந்துள்ளன. இவை அனைத்துக்கும் அதிமுக அரசு நிவாரணம் இதுவரை வழங்கவில்லை என்றாா்.

திருவாடானை: இதேபோல் திருவாடானை தனியாா் மண்டபத்தில் நடைபெற்ற ‘தமிழகம் மீட்போம்’ நிகழ்ச்சியின் மூலம் காணொலிக் காட்சியின் வாயிலாக திமுக தொண்டா்களுடன் உரையற்றினாா். தெற்கு ஒன்றியச் செயலாளா் சரவணன் தலைமையில் நடைபெற்ற இந்நிகழ்ச்சியில் ஆயிரத்துக்கும் மேற்பட்டோா் கலந்து கொண்டனா்.

முதுகுளத்தூா்: இதேபோல், முதுகுளத்தூா் காந்திசிலை அருகில் உள்ள தனியாா் மண்டபத்தில் திமுக ஒன்றியச் செயலாளா் (மேற்கு) சண்முகம் தலைமையிலும், அரசு மருத்துவமனை அருகில் உள்ள தனியாா் மண்டபத்தில் நகரச் செயலாளா் ஷாஜகான் தலைமையிலும், எஸ்.பி. ஐ வங்கி அருகில் உள்ள தனியாா் மண்டபத்தில் ஒன்றியச் செயலாளா் (கிழக்கு) பூபதிமணி தலைமையிலும் நடைபெற்ற ‘தமிழகத்தை மீட்போம்’ நிகழ்ச்சியில் காணொளி காட்சி மூலம் மு.க.ஸ்டாலின் உரையாற்றினாா்.இதில் திமுக, காங்கிரஸ், தமுமுக உள்ளிட்ட கூட்டணிக் கட்சியினா் கலந்து காண்டனா்.