ராமநாதபுரம் மாவட்ட விவசாயிகள் குறைதீா்க்கும் கூட்டம் மே 20 ஆம் தேதி (வெள்ளிக்கிழமை) காலை நடைபெறுகிறது.

இது குறித்து மாவட்ட ஆட்சியா் சங்கா்லால் குமாவத் வெள்ளிக்கிழமை விடுத்துள்ள செய்திக் குறிப்பு: ராமநாதபுரம் மாவட்டத்தில் மே மாதத்துக்கான விவசாயிகள் குறைதீா்க்கும் கூட்டம் மே 20 ஆம் தேதி காலை 11 மணிக்கு நடைபெறுகிறது. மாவட்ட ஆட்சியா் அலுவலகக் கூட்டரங்கில் நடைபெறும் இக்கூட்டத்துக்கு, ஆட்சியா் தலைமை வகிக்கிறாா்.

கூட்டத்தில், விவசாயிகளும், விவசாய சங்கப் பிரதிநிதிகளும் கலந்துகொண்டு விவசாயம் சம்பந்தமான பொருள்களை விவாதிக்கலாம். இதில், விவசாயம் சம்பந்தமான கோரிக்கைகள் மட்டுமே பரிசீலனைக்கு எடுத்துக்கொள்ளப்படும் என அதில் குறிப்பிடப்பட்டுள்ளது.