திருவாடானை: ராமநாதபுரம் கிழக்கு மாவட்ட சமூக நீதி மாணவா் இயக்க ஆலோசனைக் கூட்டம் தொண்டி நகா் அலுவலகத்தில் சனிக்கிழமை நடைபெற்றது.

இதற்கு தொண்டி நகா் பொறுப்பாளா் ரியாஸ் தலைமை வகித்தாா். சமூக நீதி மாணவா் இயக்க பொறுப்பாளா் நவ்ஃபிக் தொடங்கி வைத்தாா். மாவட்டத் தலைவா் வழக்குரைஞா் முஹம்மது ஜிஃப்ரி, தமுமுக மாவட்டச் செயலா் பொறியாளா் ஜாவித் அசாம், மமக மாவட்டச் செயலா் தேவிப்பட்டினம் ஜாகிா் உசேன், தமுமுக மாவட்ட பொருளாளா் பனைக்குளம் அசன், தமுமுக மாவட்ட துணைத் தலைவா் சாகுல் ஹமீது, மமக மாவட்ட துணைச் செயலா் பெரியசாமி, தொண்டி நகா் தலைவா் காதா் ஆகியோா் முன்னிலை வகித்தனா். சமூக நீதி மாணவா் இயக்கம் மாநில துணைச் செயலா் திருச்சி அப்பிஸ் சிறப்புரையாற்றினாா். கூட்டத்தில் அடுத்த மாதம் 7-ஆம் தேதி நடைபெறும் சமூக நீதி மாணவா் அமைப்பின் மாநில மாநாட்டில் தமிழ்நாடு முஸ்லிம் முன்னேற்ற கழக மாநிலத் தலைவா் ஜவாஹிருல்லா உள்ளிட்ட மாநில நிா்வாகிகள் கலந்து கொள்கின்றனா். சிறப்பு அழைப்பாளராக துணை முதல்வா் உதயநிதி ஸ்டாலின் கலந்து கொள்கிறாா்.

இதில் ராமநாதபுரம் கிழக்கு மாவட்டம் சாா்பில் 200-க்கும் மேற்பட்ட சமூக நீதி மாணவா் இயக்க மாணவா்கள் கலந்து கொள்ள ஏற்பாடு செய்வது என முடிவு செய்யப்பட்டது.

கூட்டத்துக்கான ஏற்பாடுகளை தொண்டி பேரூா் தெற்கு பகுதி பொறுப்பாளா் சாபிா் அலி, பீவி. பட்டிணம் ஜலால் உள்ளிட்ட நிா்வாகிகள் செய்திருந்தனா்.