காமராஜா் பிறந்தநாள்: பள்ளிகளில் கல்வி வளா்ச்சி நாள் கொண்டாட்டம்

சிவகங்கை: முன்னாள் முதலமைச்சா் காமராஜா் 122 -ஆவது பிறந்த நாளை முன்னிட்டு( ஜுலை 15) சிவகங்கை பகுதிகளில் உள்ள பள்ளிகளில் கல்வி வளா்ச்சி நாளாக கொண்டாடப்பட்டது.

ஜுலை 15 -ஆம் நாள் கல்வி வளா்ச்சி நாளாக ஆண்டுதோறும் சிறப்பாக கொண்டாடப்பட்டு வருகிறது. 2023-2024 ஆம் கல்வியாண்டுக்கான கல்வி வளா்ச்சி நாள் விழா 15.7.2023-ல் அனைத்துப் பள்ளிகளிலும் சிறப்பாகக் கொண்டாட கல்வித்துறை உரிய நடவடிக்கை எடுத்துள்ளது.

அதன்படி, இடையமேலூா் ஊராட்சி ஒன்றிய தொடக்கப்பள்ளியில் நடைபெற்ற கல்வி வளா்ச்சி நாள் விழாவுக்கு பள்ளி மேலாண்மை குழு தலைவி பாக்கிய லெட்சுமி தலைமை வகித்தாா்.

தலைமையாசிரியா் ப.லெட்சுமி வரவேற்றாா். இதைமுன்னிட்டு,மாணவ மாணவிகளுக்கு மாறுவேடபோட்டி ஓவியம் மற்றும் திருக்குறள் ஒப்புவித்தல் போட்டியும் நடத்தப்பட்ட சிறந்த மாணவ மாணவிகளுக்கு ஆசிரியா் பயிற்றுநா் ஜெயபிரகாஷ் பரிசுகள் வழங்கினாா்.

விழாவில் உதவியாசிரியா்கள் சகாயபுஷ்பராணி, இரா.அமுதா, கி. கோமதி, பெற்றோா்களும், பள்ளி மேலாண்மை குழு உறுப்பினா்களும் கலந்து கொண்டாா்கள்.

சிவகங்கை பழமலை நகா் ஊராட்சி ஒன்றிய தொடக்கப்பள்ளி கல்வி வளா்ச்சி நாள் விழா சிறப்பாக கொண்டாடப் பட்டது. முகடு பவுண்டேசன் சாா்பாக மாணவா்களுக்கு தோ்வு அட்டை, பாக்ஸ், எழுது பலகை, கலா் பென்சில், வாட்டா் கலா் போன்ற பொருள்களை முகடு பவுண்டேசன் சுரேஷ்- பாா்வதி தம்பதியா் வழங்கினா். விழா ஏற்பாடுகளை தலைமை ஆசிரியா் அசோக்பாரதி மற்றும் உதவி ஆசிரியா் சுரேஷ் செய்திருந்தனா். உதவி ஆசிரியை சாந்தி நன்றி கூறினாா்.

சிவகங்கை அரு.நடேசன்செட்டியாா் நடுநிலைப்பள்ளியில் நடைபெற்ற கல்வி வளா்ச்சி நாள் விழா தலைமையாசியா் பாண்டியராஜன் தலைமை வகித்தாா். ஆசிரியா் ரேவதி வரவேற்றாா். இதையொட்டி மாறுவேடப்போட்டி, பேச்சுப்போட்டி, கவிதை, ஓவியம் ஆகிய போட்டிகள் நடத்தப்பட்டன. இதில் வென்றவா்களுக்கு பரிசளிக்கப்பட்டது.

ஒக்கூா் சோமசுந்தரம் செட்டியாா் தொடக்கப்பள்ளியில் நடைபெற்ற கல்வி வளா்ச்சிநாள் விழாவுக்கு தலைமையாசிரியா் ஜான்பிரிட்டோ தலைமை வகித்தாா். இதையொட்டி காமராஜா் உருவப்படத்துக்கு மாலை அணிவித்து மாணவ, மாணவிகள், ஆசிரியா்கள் மரியாதை செய்தனா்.

இதே போல, சோழபுரம் ரமணவிகாஸ் மேல்நிலைப்பள்ளியில் தாளாளா் முத்துக்கண்ணன் தலைமையில் கல்வி வளா்ச்சி நாள் விழா நடைபெற்றது. இதையொட்டி மாறுவேடப்போட்டி, பேச்சு, கட்டுரைப்போட்டி உள்ளிட்ட போட்டிகள் நடைபெற்றன். சிவகங்கை கற்பூரசுந்தரபாண்டியன்-ராமலட்சுமி நினைவு மேல்நிலைப்பள்ளியில் நடைபெற்ற கல்வி வளா்ச்சிநாள் விழாவுக்கு தலைமையாசிரியா் சரவணன் தலைமை வகித்தாா். ஆசிரியா் பொக்கிஷம் முன்னிலை வகித்தாா். தமிழாசிரியா் இளங்கோ வரவேற்றாா். இதையொட்டி பல்வேறு போட்டிகள் நடத்தப்பட்டு பரிசுகள் வழங்கப்பட்டன.

(பட விளக்கம்- சிவகங்கை பழமலை நகா் ஊராட்சி ஒன்றிய தொடக்கப்பள்ளியில் நடைபெற்ற கல்வி வளா்ச்சி நாள் விழா.