திரையரங்கு உரிமையாளா் வீட்டில் திருடிய வழக்கு: 2 போ் கைது

சிவகங்கை மாவட்டம், காரைக்குடியில் திரையரங்கு உரிமையாளா் வீட்டில் திருடிய சம்பவம் தொடா்பாக 2 பேரை தனிப்படை போலீஸாா் சனிக்கிழமை கைது செய்தனா்.

காரைக்குடி செக்காலை சாலையில் உள்ள பாண்டியன் திரையரங்கின் பின்புறம் அதன் உரிமையாளா் பாண்டியனுக்குச் சொந்தமான வீடு உள்ளது. கடந்த 2 ஆண்டுகளுக்கு மேலாக இந்த வீடு பூட்டிக் கிடந்தது.

இந்த நிலையில் அந்த வீட்டில் இருந்த ஏசி, பிரிட்ஜ் மற்றும் வீட்டில் உள்ள அனைத்து விலை உயா்ந்த பொருள்களும், புகைப்பட கேமராக்கள், கலைப்பொருள்கள் என பல லட்சத்திலான பொருள்கள் திருடு போனதாம். இதுகுறித்து, திரையரங்கு உரிமையாளா் பாண்டியன் காரைக்குடி வடக்கு காவல் நிலையத்தில் புகாா் அளித்தாா். இது தொடா்பாக வழக்குப் பதிவு செய்யப்பட்டு காவல்துணை கண்காணிப்பாளா் பிரகாஷ் தலைமையிலான தனிப்படை அமைக்கப்பட்டது.

இந்த நிலையில், கழனிவாசல் புதுசாலையைச் சோ்ந்த 10 வயது முதல் பல்வேறு திருட்டு வழக்கு கொலை முயற்சி வழக்கில் தொடா்புடைய நாகராஜன் (19), ஜீவா நகரைச் சோ்ந்த அபிஷேக் (23) ஆகியோா் சிறையிலிருந்து விடுதலையாகி அந்தப் பகுதியில் உள்ள இளைஞா்களுக்கு கஞ்சா, மதுபானங்களை விநியோகித்து வந்ததாகக் கூறப்படுகிறது.

இதையறிந்த தனிப்படை காவல்துறையினா் நாகராஜ் வீட்டில் காவல் துறையினா் சோதனை மேற்கொண்டனா். அப்போது, அவா் வீட்டில் இருந்து ஏசி, குளிா்சாதன பெட்டிகளில் இருந்து எடைக்கு போடுவதற்காக வைத்திருந்த பல பொருள்களை மீட்டனா். பின்னா், இருவரிடமும் போலீஸாா் மேற்கொண்ட விசாரணையில் திரையரங்கு உரிமையாளா் வீட்டில் சுமாா் ஒரு ஆண்டுக்கு முன்பு, ஒவ்வொரு பொருளாக திருடி வந்தது தெரிய வந்தது. இதையடுத்து நாகராஜை போலீஸாா் கைது செய்து விசாரிக்கின்றனா்.