காரியாபட்டி தொடக்க வேளாண்மைக் கூட்டுறவு கடன் சங்கத்தின் மூலம், 3 ஆயிரத்து 564 பயனாளிகளுக்கு, வறட்சி நிவாரணம் வழங்கும் நிகழ்ச்சி நடைபெற்றது.  

   கூட்டுறவு கடன் வங்கித் தலைவர் விஜயன் தலைமை வகித்தார். துணை தலைவர் ராஜாங்கம், வீட்டு வசதி வாரிய துணை தலைவர் விஜயராஜன், கூட்டுறவு பால் பண்ணை தலைவர் பாண்டியராஜன் முன்னிலை வகித்தார்.

   வறட்சி நிவாரணத் தொகையை பயனாளிகளுக்கு வழங்கி, நிர்வாகக் குழு உறுப்பினர் பழனி பேசியதாவது: காரியாபட்டி தொடக்க வேளாண்மைக் கூட்டுறவு கடன் வங்கி மூலம், ஒரு கோடியை 49 லட்சத்து 3 ஆயிரத்து 640 ரூபாய் நிவாரணத் தொகை வழங்கப்பட்டுள்ளது என்றார்.

   நிகழ்ச்சியில் சார் பதிவாளர் ரவீந்திரன், செயலர் ரஜினிகாந்த் மற்றும் நிர்வாகிகள் உள்பட பலர் கலந்து கொண்டனர்.