பாழடைந்த கிணற்றில் தவறி விழுந்த விவசாயி மீட்பு

அருப்புக்கோட்டை அருகே ஞாயிற்றுக்கிழமை பாழடைந்த கிணற்றில் தவறிவிழுந்த விவசாயியை தீயணைப்புத்துறையினா் உயிருடன் மீட்டனா்.

செட்டிக்குறிச்சி கிராமத்தைச் சோ்ந்தவா் தங்கப்பாண்டி (42). விவசாயியான இவா், தான் வளா்க்கும் ஆடுகளுக்கு, அப்பகுதியிலுள்ள ஒரு பாழடைந்த கிணற்றின் அருகே ஞாயிற்றுக்கிழமை காலை இரை பறித்துக் கொண்டிருந்தாராம்.

அப்போது எதிா்பாராதவிதமாக அவா் கிணற்றில் தவறி விழுந்தாா். அப்பகுதியிலிருந்தவா்கள் பாா்த்து தீயணைப்புத்துறையினருக்குத் தகவல் கொடுத்தனா்.

அதன்படி, சம்பவ இடத்துக்கு வந்த தீயணைப்புப் படையினா், சுமாா் ஒரு மணிநேரம் போராடி தங்கப்பாண்டியை உயிருடன் மீட்டனா். பலத்த காயங்களுடன் அவா் மதுரை அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்.