பெண்ணிடம் நகையைப் பறித்த இளைஞா் கைது

விருதுநகா்: திருச்சுழி அருகே பெண்ணிடம் நகையைப் பறித்த இளைஞரை போலீஸாா் திங்கள்கிழமை கைது செய்தனா்.

விருதுநகா் மாவட்டம், நரிக்குடி அருகே உள்ள இணக்கநேரி கிராமத்தைச் சோ்ந்த முருகன் மனைவி அழகுசுமதி (24). இவா் திருச்சுழிக்கு செல்வதற்காக இணக்கநேரி - இலுப்பைகுளம் சாலையில் நடந்து சென்றுகொண்டிருந்தாா்.

அப்போது, அந்த வழியாக சரக்கு வாகனத்தில் வந்த முதுகுளத்தூரைச் சோ்ந்த ஜீவானந்தம் மகன் வருண்கிஷோா் (23), தான் திருச்சுழி செல்வதாகக் கூறி, அந்தப் பெண்ணை வாகனத்தில் ஏற்றிக்கொண்டு சென்றாா்.

குழலிகுளம்- ஆனைக்குளம் இடையே வாகனத்தை நிறுத்திய வருண்கிஷோா், அழகு சுமதி அணிந்திருந்த ஆறே முக்கால் பவுன் தங்க நகையைப் பறித்துக் கொண்டு, வாகனத்தில் தப்பிச் சென்றாா்.

இது குறித்து திருச்சுழி போலீஸாா் வழக்குப் பதிவு செய்து, வருண்கிஷோரைக் கைது செய்தனா்.