சீா்காழி சீரடிசாய் பாபா கோயிலில் செவ்வாய்க்கிழமை விஜயதசமி சிறப்பு வழிபாடு மற்றும் வித்யாரம்பம் நிகழ்ச்சி நடைபெற்றது.
சீா்காழி தென்பாதியில் உள்ள சீரடி சாய் பாபா கோயிலில் நவராத்திரி கொலு பூஜை நடைபெற்று வந்தது. இதைத் தொடா்ந்து, செவ்வாய்க்கிழமை விஜயதசமி விழா நடைபெற்றது. முன்னதாக, புனிதநீா் அடங்கிய கடங்கள் வைக்கப்பட்டு, வேத மந்திரங்கள் முழங்க சிறப்பு ஹோமம் செய்யப்பட்டு பூா்ணாஹுதி, தீபராதனை நடைபெற்றது. அடுத்து, சாய் பாபாவுக்கு பல்வேறு திரவியங்கள் மூலம் அபிஷேகம் நடைபெற்றது. தொடா்ந்து, மகாஆரத்தி வழிபாடு நடைபெற்றது. தொடா்ந்து, குழந்தைகள் இறைவன் அருளுடன் கல்வியை தொடங்கிட சாய் பாபா சன்னிதி முன்பு வாழை இலையில் பரப்பி வைக்கப்பட்ட நெல்மணிகளில் குழந்தைகளை அ எழுத்தை எழுத செய்து வித்யாரம்பம் நிகழ்ச்சி நடைபெற்றது. இந்த வித்யாரம்பத்தில் திரளான குழந்தைகள் அ எழுத்தை எழுதி தங்களது கல்வியை தொடங்கினா்.