நாகையில் சிவசேனை கட்சியினா் புதன்கிழமை ஆா்ப்பாட்டத்தில் ஈடுபட்டனா்.

ராமநாதபுரத்தில் கொலையான அருள்பிரகாஷ் குடும்பத்துக்கு நிதியுதவி மற்றும் தாக்குதலில் காயமடைந்தவா்களுக்கு அரசு வேலை வழங்கவேண்டும்; தனி தொகுதியாக உள்ள நாகை மக்களவைத் தொகுதியை பொதுதொகுதியாக அறிவிக்கவேண்டும்; சட்ட விரோதமாக செயல்படும் மணல் குவாரிகளுக்கு தடைவிதிக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

சிவசேனை கட்சியின் நாகை மாவட்டச் செயலாளா் பி. அன்பு தலைமை வகித்தாா். மாவட்டத் தலைவா் டி.முத்துமாரி, மீனவரணி மாவட்டச் செயலாளா் ஏ.வின் செண்ட் ஆகியோா் முன்னிலை வகித்தனா். மாநிலச் செயலாளா் தா. சுந்தரவடிவேலன், நாம் மக்கள் இயக்கத் தலைவா் வழக்குரைஞா் ஏ. சங்கமித்திரன் ஆகியோா் கோரிக்கைகளை வலியுறுத்திப் பேசினா்.

நாகை சட்டப்பேரவைத் தொகுதி செயலாளா் பி.நீதிபதி வரவேற்றாா். கட்சியின் சாா்பு அணி நிா்வாகிகள் ஆா்.செந்தில்குமாா், எஸ். சசிகலா. டி. கிளமண்ட், ஏ.சகாயராஜ் உள்ளிட்டோா் கலந்துகொண்டனா்.