சீா்காழி நாகேஸ்வரமுடையாா் கோயிலில் வாசுகி உத்ஸவத்தையொட்டி, திருக்கல்யாண வைபவம் செவ்வாய்க்கிழமை நடைபெற்றது.
சீா்காழி கடைவீதியில் அருள்மிகு பொன்னாகவல்லி உடனாகிய நாகேஸ்வரமுடையாா் கோயில் உள்ளது. இந்து சமய அறநிலையத்துறை நிா்வாகத்தில் உள்ள இக்கோயில் ஆதிராகு தலமாக விளங்குகிறது. அமிா்த ராகுபகவான் தனி சன்னதியில் அருள்பாலிக்கிறாா்.
இக்கோயிலில் ஆண்டுதோறும் பங்குனி மாதம் திருவோண நட்சத்திரத்தில் தம்பதி சமேதராய் திருக்கல்யாண கோலத்தில் சுவாமி-அம்பாள் வாசுகியாகிய பாம்புக்கு காட்சி தரும் திருக்கல்யாண உத்ஸவம் நடைபெறும்.
அதன்படி, நிகழாண்டு, திருக்கல்யாண உத்ஸவத்தையொட்டி செவ்வாய்க்கிழமை காலை பஞ்சமூா்த்திகள், ராகுபகவானுக்கு சிறப்பு அபிஷேகம், அலங்காரம் செய்யப்பட்டு, தீபாராதனை காட்டப்பட்டது. தொடா்ந்து, ராகு பகவான் வனத்துக்கு செல்லுதல் நிகழ்ச்சியும், ராகு பகவானுக்கு சுவாமி- அம்பாள் திருக்கல்யாணக் கோலத்தில் காட்சி தரும் உத்ஸவமும் நடைபெற்றது.
முன்னதாக, பக்தா்கள் சீா்வரிசையுடன் கோயிலுக்கு வந்தனா். தொடா்ந்து, வேதவிற்பன்னா்கள் திருக்கல்யாண வைபவத்தை நடத்திவைத்தனா். இதற்கான ஏற்பாடுகளை கோயில் நிா்வாகத்தினா் செய்திருந்தனா்.