மயிலாடுதுறை: சீா்காழி அருகே நெப்பத்தூரில் செங்கல்சூளை தொழிலாளி உயிரிழந்த வழக்கை கொலை வழக்காக மாற்றக் கோரி, உறவினா்கள் மற்றும் பல்வேறு கட்சியினா் மயிலாடுதுறை மாவட்ட ஆட்சியா் அலுவலகம் முன் திங்கள்கிழமை ஆா்ப்பாட்டத்தில் ஈடுபட்டனா்.

மயிலாடுதுறை மாவட்டம், சீா்காழி அருகே உள்ள நெப்பத்தூரில் தனியாா் செங்கல் சூளையில் வேலை செய்துவந்த நிம்மேலியைச் சோ்ந்த கூலித்தொழிலாளி சீனிவாசன் (40) கடந்த 17-ஆம் தேதி தூக்கிட்டு தொங்கிய நிலையில் மா்மமான முறையில் உயிரிழந்தாா். இவரை, அடித்து கொலை செய்து, தூக்கில் தொங்கவிடப்பட்டதாக குற்றம்சாட்டி அவரது உறவினா்கள், பொதுமக்கள் மற்றும் பல்வேறு கட்சியினா் போராட்டத்தில் ஈடுபட்டனா்.

தொழிலாளி உயிரிழந்தது தொடா்பாக, செங்கல் சூளை உரிமையாளா் சுரேஷ்(60), அவரது மகன் சித்தாா்த் (38) மற்றும் மேற்பாா்வையாளா் மோகன்ராஜ் (61) ஆகியோா், தற்கொலைக்கு தூண்டியது, வன்கொடுமை தடுப்புச் சட்டம் ஆகிய பிரிவுகளின் கீழ் கைது செய்யப்பட்டனா்.

இதற்கிடையில், இந்த வழக்கை கொலை வழக்காக பதிவு செய்வதுடன், செங்கல் சூளைக்கு சீல் வைக்க வேண்டும் உள்ளிட்ட கோரிக்கைகளை வலியுறுத்தி பல்வேறு கட்சியினா் தொடா் போராட்டத்தில் ஈடுபட்டு வருகின்றனா். இதன் தொடா்ச்சியாக செங்கல் சூளைக்கு சீல் வைக்கப்பட்டது.

இந்நிலையில், பத்தாவது நாளான திங்கள்கிழமை விடுதலைச் சிறுத்தைகள் கட்சியின் முன்னாள் மாவட்டச் செயலாளா் மா. ஈழவளவன் தலைமையில் அக்கட்சியினா், மாா்க்சிஸ்ட் லெனினிஸ்ட், நாம் தமிழா் கட்சி, மக்கள் அதிகாரம் உள்ளிட்ட கட்சிகளைச் சோ்ந்த 500-க்கும் மேற்பட்டோா் ஊா்வலமாக வந்து மயிலாடுதுறை மாவட்ட ஆட்சியா் அலுவலகத்தை முற்றுகையிட முயன்றனா். அவா்களிடம் எடிஎஸ்பி சுகுமாறன் பேச்சுவாா்த்தை நடத்தியதைத் தொடா்ந்து, ஆட்சியா் அலுவலகம் முன் ஆா்ப்பாட்டத்தில் ஈடுபட்டனா்.

அதேநேரத்தில், மாா்க்சிஸ்ட் கம்யூனிஸ்ட் கட்சியின் மாவட்டச் செயலாளா் சீனிவாசன் தலைமையிலும், விடுதலைச் சிறுத்தைகள் கட்சியின் மாவட்டச் செயலாளா் பா.ரவிச்சந்திரன் தலைமையிலும் வந்த அக்கட்சிகளை சோ்ந்த 300-க்கும் மேற்பட்டோா் மாவட்ட ஆட்சியா் அலுவலகத்தை முற்றுகையிட முயன்றனா். அப்போது, அவா்களுக்கும் போலீஸாருக்கும் இடையே தள்ளுமுள்ளு ஏற்பட்டது.

இதைத்தொடா்ந்து, முக்கிய பொறுப்பாளா்களை அழைத்து மாவட்ட ஆட்சியா் இரா. லலிதா பேச்சுவாா்த்தை நடத்தினாா். இதில், இந்த வழக்கு சிபிசிஐடி விசாரணைக்கு மாற்றப்பட்டுள்ளதாகவும், இறந்த சீனிவாசனின் குடும்பத்தில் ஒருவருக்கு அரசு பணி மற்றும் உரிய நிவாரணம் வழங்க பரிந்துரை செய்யப்படும் எனவும் உறுதியளிக்கப்பட்டது.

இதையடுத்து, உயிரிழந்த சீனிவாசனின் சடலத்தை மறு உடற்கூராய்வு செய்ய சென்னை உயா்நீதிமன்றத்தில் ரிட் மனு தாக்கல் செய்யப்பட்டுள்ளதால், நீதிமன்ற தீா்ப்பைத் தொடா்ந்து புதன்கிழமையன்று சடலத்தைப் பெற்றுகொள்வதாகக் கூறி முற்றுகைப் போராட்டத்தை விலக்கிக் கொண்டு கலைந்துசென்றனா்.