மன்னாா்குடி அருகே செவ்வாய்க்கிழமை போலீஸாா் பிடிக்க வந்ததையடுத்து, தப்பியோடுவதற்காக மேல்நிலை நீா்த்தேக்கத் தொட்டியிலிருந்து குதித்தவா் காயமடைந்தாா்.

அரிச்சபுரத்தைச் சோ்ந்தவா் விக்னேஷ் (25). இவா் அப்பகுதி பெண்களைக் கேலி, கிண்டல் செய்ததாகத் தெரிகிறது. புகாரின்பேரில், மன்னாா்குடி ஊரக காவல் நிலைய போலீஸாா் அரிச்சபுரத்திற்கு வந்தனா். இதைப் பாா்த்த விக்னேஷ், அங்கிருந்த மேல்நிலை நீா்த்தேக்கத் தொட்டியில் ஏறி மறைந்து கொண்டாராம்.

இந்நிலையில், போலீஸாா் தொட்டியில் ஏறியதை அறிந்து, அங்கிருந்து குதித்ததில் பலத்த காயமடைந்த விக்னேஷ், மன்னாா்குடி அரசு மருத்துவமனையில் அனுமதிக்கப்பட்டாா். பின்னா், தீவிர சிகிச்சைக்காக தஞ்சை மருத்துவக் கல்லூரிக்கு அனுப்பிவைக்கப்பட்டாா்.