திருவாரூா் மாவட்ட காங்கிரஸ் சேவா தள தலைவா் தோ்வு

காங்கிரஸ் கட்சியின் சேவா தள அமைப்பின் திருவாரூா் மாவட்டத் தலைவராக சக்தி செல்வகணபதி தோ்வு செய்யப்பட்டுள்ளாா்.

திருவாரூரில், காங்கிரஸ் கட்சியின் முன்னணி துணை அமைப்பான சேவா தள அமைப்பின் ஆலோசனைக் கூட்டம் வியாழக்கிழமை நடைபெற்றது. மாவட்ட காங்கிரஸ் பொதுச் செயலாளா் அன்பு வே. வீரமணி தலைமை வகித்தாா். மாநில சேவா தளத் தலைவா் விஜயன் சிறப்பு அழைப்பாளராகப் பங்கேற்றாா்.

கூட்டத்தில், திருவாரூா் மாவட்ட காங்கிரஸ் சேவா தளத் தலைவராக சக்தி செல்வகணபதி தோ்வு செய்யப்பட்டாா்.

இதில், காங்கிரஸ் கட்சியின் மாவட்டத் தலைவா் எஸ்எம்பி. துரைவேலன், மாவட்ட சமூக ஊடகப் பிரிவுத் தலைவா் எஸ்எம். சமீா், மாவட்ட தொழிற்சங்கத் தலைவா் ஏடி. ராஜேந்திரன், வட்டார தலைவா்கள் உள்ளிட்ட பலா் பங்கேற்றனா்.