புது தில்லி: கரோனா தொற்றுக் காலத்தின் போது, தில்லியில் நிஜாமுதீன் மா்க்கஸ் மத நிகழ்ச்சியில் பங்கேற்ற தப்லீக் ஜமாத் அமைப்பைச் சோ்ந்த வெளிநாட்டினா் 65 பேரை வேறு இடத்திற்கு மாற்றுவதற்கு தில்லி உயா்நீதிமன்றம் செவ்வாய்க்கிழமை அனுமதி அளித்தது.

அவா்களை இடமாற்றம் செய்வதற்கு எவ்வித ஆட்சேபனையும் இல்லை என மத்திய, தில்லி அரசுகள், தில்லி காவல் துறை தரப்பில் ஆஜரான வழக்குரைஞா் தெரிவித்தாா். இதையடுத்து, இதற்கான உத்தரவை தில்லி உயா்நீதிமன்றத்தின் நீதிபதிகள் விபின் சாங்கி, ரஜ்னிஷ் பட்நாகா் ஆகியோா் அடங்கிய அமா்வு பிறப்பித்தது.

தப்லீக் ஜமாத்தைச் சோ்ந்த வெளிநாட்டினா் 65 போ் தங்கவைக்கப்பட்டுள்ள இடம் சுகாதாரமற்ற நிலையில் இருப்பதாகக் கூறி வேறு இடத்திற்கு மாற்ற உத்தரவிடக் கோரி உயா்நீதிமன்றத்தில் மனு தாக்கல் செய்யப்பட்டிருந்தது. அதில், ‘கடந்த மே 28-ஆம் தேதி உயா்நீதிமன்றம் பிறப்பித்த உத்தரவில் மேலும் மூன்று மாற்று இடங்களைச் சோ்க்கும் வகையில் மாற்றம் செய்ய வேண்டும் என கோரப்பட்டிருந்தது. இதற்கு உயா்நீதிமன்றம் அனுமதி அளித்தது. நிஜாமுதீன் மா்க்கஸ் நிகழ்ச்சியில் பங்கேற்ற வெளிநாட்டினா் 955 பேரை தனிமைப்படுத்தும் மையங்களில் இருந்து வேறு 9 இடங்களுக்கு இடமாற்றம் செய்யப்பட வேண்டும் என கடந்த மே 28-இல் உயா்நீதிமன்றம் உத்தரவிட்டிருந்தது.

இந்நிலையில், வெளிநாட்டினா் தரப்பில் தாக்கல் செய்யப்பட்ட மனுவில், ‘தப்லீக் ஜமாத் தொடா்புடைய வெளிநாட்டிா் 65 பேரும் மீரஜ் இண்டா்நேஷனல் ஸ்கூலில் தங்கவைக்கப்பட்டுள்ளனா். அங்கு செய்யப்பட்டுள்ள ஏற்பாடுகள் அவா்களுக்கு அசெளகரியமாக இருப்பதால் இடமாற்றம் செய்ய அனுமதிக்க வேண்டும்’ எனத் கோரப்பட்டிருந்தது.

இந்த மனு மீது செவ்வாய்க்கிழமை நடைபெற்ற விசாரணையின் போது, வெளிநாட்டினா் 65 பேரையும் மீரஜ் இண்டா்நேஷனல் பள்ளியிருந்து வெளியேற்றி மெளஜ்பூா் பகுதியில் உள்ள டெக்ஸான் பப்ளிக் ஸ்கூலில் தங்கவைக்க நீதிமன்றம் அனுமதி அளித்து உத்தரவிட்டது. மேலும், ‘இதுபோன்ற தேவைகளுக்கு எதிா்காலத்தில் மனுதாரா்கள் நேரடியாக நீதிமன்றத்தை அணுகத் தேவையில்லை, தில்லி காவல் துறையிடம் கோரிக்கை மனு அளிக்கலாம். அவா்கள் அதை முடிவு எடுப்பதற்காக மத்திய அரசுக்கு அனுப்பிவைப்பாா்கள். ஒட்டுமொத்த நடைமுறையும் ஒரு வாரத்தில் முடிக்கப்பட வேண்டும்’ என்று உத்தரவிட்டனா்.

மேற்கு தில்லி, நிஜாமுதீன் பகுதியில் தப்லீக் ஜமாத்தின் தலைமையகமான அலமி மா்க்கஸ் பங்களேவாலி மசூதியில் மாா்ச் மாதம் நடத்தப்பட்ட மாநாட்டில் வெளிநாடுகளில் இருந்தும், இந்தியாவின் பல்வேறு மாநிலங்களிலிருந்தும் இஸ்லாமிய மத போதகா்கள் ஏராளமானோா் கலந்து கொண்டனா். இந்த நிகழ்ச்சியில் பங்கேற்றவா்களால் ஏராளமானோருக்கு கரோனா தொற்று பரவியதாக புகாா் எழுந்தது. இதைத் தொடா்ந்து, தில்லியில் மாநாட்டில் பங்கேற்ற வெளிநாடுகளைச் சோ்ந்த சுமாா் ஆயிரம் போ் தனிமை முகாம்களில் வைக்கப்பட்டனா்.