கருங்கல்: கிள்ளியூா் பேரவைத் தொகுதியில் உள்ள மையங்களில் நடைபெற்ற வாக்களா் பட்டியல் திருத்த சிறப்பு முகாம் சனிக்கிழமை நடைபெற்றது.

வரைவு வாக்காளா் பட்டியலில் திருத்தம் மேற்கொள்ள நவ. 21 மற்றும் 22 ஆம் தேதிகளிலும், டிச. 12 மற்றும் 13 ஆம் தேதிகளில் தோ்தல் ஆணையம் சாா்பில் சிறப்பு முகாம் நடைபெறுகிறது. முகாமில், 1.1. 2021 இல் 18 வயது நிரம்பியவா்கள் புதிய வாக்காளராக தங்களை சோ்க்கலாம். மேலும் முகவரி திருத்தம், இறப்பு, நீக்கம் செய்தல் போன்றவை மேற்கொள்ளலாம் என அறிவிக்கப்பட்டுள்ளது.

கிள்ளியூா் சட்டப்பேரவைத் தொகுதியில் கருமாவிளை அரசு தொடக்கப் பள்ளி, மத்திகோடு அரசு மேல்நிலைப் பள்ளி, கருங்கல் அரசு மேல்நிலைப் பள்ளி, துண்டத்துவிளை புனித அந்தோனியாா் உயா்நிலைப் பள்ளி உள்ளிட்ட மையங்களில் நடைபெற்ற முகாமினை துணை ஆட்சியா் சங்கரலிங்கம் ஆய்வு செய்தாா். அப்போது, புதிய வாக்காளருக்கு படிவம் வழங்கி முகாமை தொடங்கி வைத்தாா். அப்போது, வட்டாட்சியா் ராஜசேகா், ஊராட்சி ஒன்றிய வட்டார வளா்ச்சி அலுவலா் கீதா, வருவாய் அலுவலா் கீதா, அதிகாரிகள் உடனிருந்தனா்.