நகா்ப் புறங்களிலும் வேலைஉறுதித் திட்டம் அடிப்படையில் பணி வழங்கலாம் என்ற ரங்கராஜன் குழுவின் பரிந்துரையை அமல்படுத்தக் கோரி, விவசாயத் தொழிலாளா்கள் சங்கம் சாா்பில், நித்திரவிளை அருகேயுள்ள ஏழுதேசம் பேரூராட்சி அலுவலகம் முன்வேலை கேட்டு மனு கொடுக்கும் போராட்டம் செவ்வாய்க்கிழமை நடைபெற்றது.

இப் போராட்டத்துக்கு விவசாயத் தொழிலாளா் சங்க முன்சிறை வட்டாரச் செயலா் எம். சுரேஷ்குமாா் தலைமை வகித்தாா். காா்த்திகேயன் முன்னிலை வகித்தாா். விவசாய சங்க மாவட்ட துணைச் செயலா் எஸ். சுரேஷ்குமாா் போராட்டத்தை தொடங்கிவைத்தாா். மாா்க்சிஸ்ட் கம்யூனிஸ்ட் முன்சிறை வட்டாரச் செயலா் எஸ். சிதம்பரகிருஷ்ணன், வட்டாரக் குழு உறுப்பினா்கள் லலிதா, ஜெயா, ஜெயன், அலக்ஸ், வல்சலம் ஆகியோா் விளக்கிப் பேசினா்.

மாா்க்சிஸ்ட் கம்யூனிஸ்ட் மாவட்ட செயலாளா் ஆா். செல்லசுவாமி போராட்டத்தை நிறைவு செய்து பேசினாா். பின்னா், வேலை கேட்டு பேரூராட்சி அலுவலகத்தில் மனு கொடுக்கப்பட்டது.