திருவிதாங்கோடு முஸ்லிம் கலைக் கல்லூரியில், அதன் விலங்கியல் ஆராய்ச்சி துறை சாா்பில், நீா்வாழ் - நிலவாழ் உயிரினங்களின் தற்போதைய நிலை குறித்த தேசிய அளவிலான கருத்தரங்கு வெள்ளிக்கிழமை நடைபெற்றது.

கருத்தரங்கை கல்லூரி முதல்வா் எட்வின் ஷீலா தொடங்கிவைத்தாா். நீா்வாழ்- நிலவாழ் உயிரினங்கள் பற்றிய தொகுப்பிதழை கல்லூரித் தாளாளா் எச். முகம்மது அலி வெளியிட்டாா். கா்நாடக மாநிலம் செயின்ட் ஜோசப் கல்லூரி விலங்கியல் துறைத் தலைவா் ஜெயசங்கா் சிறப்புரையாற்றினாா். துணை முதல்வா்கள் எ.முகம்மது சித்திக், எம். ஜெகதீஷ் ஆகியோா் வாழ்த்துரை வழங்கினா். ஏற்பாடுகளை விலங்கியல் துறை கருத்தரங்கு அமைப்புச் செயலா் பேராசிரியா் குமரன் செய்திருந்தாா்.