தென்காசி சட்டப்பேரவைத் தொகுதியில் சமத்துவ மக்கள்கட்சியின் முதன்மை பொதுச்செயலா் ராதிகா சரத்குமாா் செவ்வாய்க்கிழமை (மாா்ச் 23) பிரசாரம் செய்கிறாா்.

இத் தொகுதியில் மக்கள் நீதி மய்யம் கூட்டணி சாா்பில் சமக வேட்பாளா் டி.ஆா்.தங்கராஜ் போட்டியிடுகிறாா். அவரை ஆதரித்து, சமக முதன்மை பொதுச்செயலா் ராதிகா சரத்குமாா் கீழப்பாவூா் ஒன்றியப் பகுதிகளில் செவ்வாய்க்கிழமை பிரசாரம் செய்கிறாா். மாலை 5 மணிக்கு அரியப்பபுரத்தில் பிரசாரத்தை தொடங்கும் அவா், திப்பணம்பட்டி, பாவூா்சத்திரம், செல்வநாயகபுரம், கல்லூரணி, சிவநாடானூா், திருமலாபுரம், மடத்தூா், புல்லுக்காட்டுவலசை உள்ளிட்ட பகுதிகளில் திறந்த வேனில் நின்று வாக்கு சேகரித்து பேசுகிறாா்.