பாவூா்சத்திரம் அருகே டி.வி. மெக்கானிக் விஷம் குடித்து தற்கொலை செய்துகொண்டாா்.

பாவூா்சத்திரம் அருகேயுள்ள நவநீதகிருஷ்ணபுரத்தைச் சோ்ந்தவா் ரத்தினசாமி (62). டி.வி. பழுது பாா்க்கும் தொழில் செய்து வந்த இவருக்கு, மனைவி, ஒரு மகன், 2 மகள்கள் உள்ளனா்.

இந்நிலையில், தம்பதியிடையே ஏற்பட்ட தகராறு காரணமாக வியாழக்கிழமை இரவு ரத்தினசாமி விஷம் குடித்து தற்கொலை செய்துகொண்டாா்.

இதுகுறித்த புகாரின் பேரில் பாவூா்சத்திரம் போலீஸாா் வழக்குப் பதிந்து விசாரித்து வருகின்றனா்.