கடையநல்லூா்: கடையநல்லூரில் சக்சஸ் பள்ளி மாணவா்கள் பங்கேற்ற ஸ்கேட்டிங் விழிப்புணா்வுப் பேரணி திங்கள்கிழமை நடைபெற்றது.

கொவைட் தடுப்பூசி குறித்த விழிப்புணா்வை பொதுமக்களுக்கு ஏற்படுத்தும் நோக்கில் சக்ஸஸ் மெட்ரிக். மேல்நிலைப் பள்ளி மாணவா்கள் பங்கேற்ற ஸ்கேட்டிங் பேரணி கடையநல்லூரில் தொடங்கியது. பள்ளித் தாளாளா் நாகராஜன் தலைமை வகித்தாா்.

கடையநல்லூா் காவல் ஆய்வாளா் விஜயகுமாா், பேரணியை தொடங்கி வைத்தாா்.

பேரணி முக்கிய சாலை வழியாக 16 கி. மீ. தொலைக் கடந்து சோ்ந்தமரத்தில் நிறைவடைந்தது.

இதில், கடையநல்லூா் காவல் உதவி ஆய்வாளா் கனகராஜ், பள்ளி முதல்வா் ராஜகணபதி, ஆசிரியா்கள் மூா்த்தி, அந்தோணிஜெமிலா உள்ளிட்டோா் கலந்து கொண்டனா். துணை முதல்வா் இக்பால் நன்றி கூறினாா்.