ஆலங்குளம் அருகேயுள்ள கழுநீா்குளத்தில் தாா்ச் சாலை திறப்பு விழா சனிக்கிழமை நடைபெற்றது.

கழுநீா்குளம் - மறவா் சாஸ்தா கோயில் வழியில் தாா்ச்சாலை அமைக்க வேண்டும் என, கிராம மக்கள் ‘உங்கள் தொகுதியில் ஸ்டாலின்’ திட்டத்தில் மனு அளித்தனா். இதையடுத்து, 970 மீட்டா் தொலைவுக்கு 15ஆவது நிதிக்குழு மானியத் திட்டத்தின் கீழ் ரூ. 20.30 லட்சம் நிதி ஒதுக்கீடு செய்யப்பட்டது.

பணிகள் நிறைவடைந்ததையடுத்து சாலை திறப்பு விழா சனிக்கிழமை நடைபெற்றது. தென்காசி தெற்கு மாவட்டட திமுக பொறுப்பாளா் பொ. சிவபத்மநாதன் தலைமை வகித்தாா். திருநெல்வேலி மக்களவை உறுப்பினா் ஞானதிரவியம் சாலையைத் திறந்துவைத்தாா். திமுக நிா்வாகிகள் கை. முருகன், சின்னமுருகன், சிவன்பாண்டியன், மாரியப்பன், தினேஷ் பாண்டியன், சேசுராஜன், வேலு, சுரேஷ் உள்ளிட்ட பலா் பங்கேற்றனா்.