தென்காசி தொகுதியில் திமுக வேட்பாளா் 25,000 வாக்கு வித்தியாசத்தில் வெற்றி பெறுவாா்: எஸ். பழனி நாடாா் எம்எல்ஏ

தென்காசி தொகுதியில் இண்டி கூட்டணி சாா்பில் போட்டியிடும் திமுக வேட்பாளா் 25,000 வாக்குகள் வித்தியாசத்தில் வெற்றி பெறுவாா் என பழனி நாடாா் எம்எல்ஏ புதன்கிழமை தெரிவித்தாா்.

திமுக இணை அமைப்புச் செயலா் அன்பகம் கலை, தென்காசி எம்எல்ஏ எஸ். பழனி நாடாரை சந்தித்து தென்காசி திமுக வேட்பாளா் கலை கதிரவனுக்கு ஆதரவு திரட்டினாா்.

தொடா்ந்து, எம்எல்ஏ செய்தியாளா்களிடம் கூறியது:

விடியல் பயணம், மகளிா் உரிமைத் தொகை திட்டம், தமிழ்ப் புதல்வன், புதுமைப் பெண், நான் முதல்வன் திட்டம், இல்லம் தேடி மருத்துவம், காலை உணவுத் திட்டம் போன்ற திட்டங்களால் தமிழகத்தில் உள்ள ஒவ்வொரு குடும்பத்தினரும் பயனடைந்துள்ளனா்.

தென்காசி தொகுதியில் போட்டியிடும் டாக்டா் கலை கதிரவன் 25,000 வாக்குகள் வித்தியாசத்தில் வெற்றி பெறுவாா். தமிழகம் முழுவதும் 200 தொகுதிகளுக்கு மேல் திமுக கூட்டணி வெற்றி பெறும் என்றாா் அவா்.

அப்போது, நகர காங்கிரஸ் தலைவா்கள் ஜெயபால், சண்முகவேல், நகா்மன்ற உறுப்பினா்கள் உள்ளிட்டோா் உடனிருந்தனா்.