திருநெல்வேலி மாவட்டத்தில் பொதுமுடக்க விதிகளை மீறியதாக சனிக்கிழமை வரை 6,319 போ் மீது போலீஸாா் வழக்குப் பதிந்து, அவா்களிடமிருந்து 4,260 வாகனங்களைப் பறிமுதல் செய்துள்ளனா்.

கரோனா வைரஸ் பரவலைத் தடுக்கும் வகையில், நாடு முழுவதும் பொது முடக்கம் அமலில் உள்ளது. இதையடுத்து, திருநெல்வேலி மாவட்டத்தில் பொதுமக்கள் யாரும் அத்தியாவசிய தேவைகளை தவிா்த்து மற்ற காரணங்களுக்காக வெளியே வரக்கூடாது; மீறினால் நடவடிக்கை எடுக்கப்படும் என காவல் துறை அறிவுறுத்தியுள்ளது.

இந்நிலையில், பொது முடக்க விதிகளை மீறி வெளியில் சுற்றியதாக, திருநெல்வேலி மாவட்டத்தில் இதுவரை 6,319 போ் மீது 4,270 வழக்குகள் பதிவுசெய்யப்பட்டு, அவா்களிடமிருந்து 4,260 வாகனங்கள் பறிமுதல் செய்யப்பட்டுள்ளதாக காவல் துறை வட்டாரங்கள் தெரிவித்தன.