அம்பாசமுத்திரம்: தென்காசி மாவட்டம், கடையம் அருகே கோழிப்பண்ணையில் இருந்து ரூ. 30 லட்சம் மதிப்புள்ள புகையிலை பொருள்கள் சனிக்கிழமை பறிமுதல் செய்யப்பட்டன.

கடையம் அருகேயுள்ள வெய்க்காலிபட்டி பழயகாரன் தெருவைச் சோ்ந்த திருஅண்ணாமலைக்குச் சொந்தமான கோழிப் பண்ணையில் புகையிலைப் பொருள்கள் பதுக்கி வைக்கப்பட்டிருப்பதாக தகவல் கிடைத்தது. இதையடுத்து காவல் ஆய்வாளா் ரெகுராஜன் தலைமையில் மேற்கொண்ட சோதனையில் தடை செய்யப்பட்ட புகையிலை பொருள்கள் 100 மூட்டைகளில் பதுக்கி வைக்கப்பட்டிருந்தது தெரியவந்தது. இதையடுத்து சுமாா் ரூ. 30 லட்சம் மதிப்புள்ள புகையிலைப் பொருள்கள், காா் ஆகியவை பறிமுதல் செய்யப்பட்டன. இதுதொடா்பாக, திருமலைக்குமாா் கைது செய்யப்பட்டாா்.