கரோனா தடுப்பு முன்னெச்சரிக்கை நடவடிக்கைகள்: அதிகாரிகளுடன் ஆட்சியா் ஆலோசனை

கரோனா நோய்த்தொற்று முன்னெச்சரிக்கை நடவடிக்கைகள் மேற்கொள்வது தொடா்பாக அதிகாரிகளுடன் வெள்ளிக்கிழமை ஆட்சியா் வே. விஷ்ணு ஆலோசனை நடத்தினாா்.

கரோனா நோய்த் தொற்று இரண்டாம் கட்டமாக பரவி வருவதையடுத்து, அரசு பல்வேறு கட்டுப்பாடுகளை அறிவித்துள்ளது. இதையடுத்து, மேற்கொள்ள வேண்டிய முன்னெச்சரிக்கை நடவடிக்கைகள் குறித்து

ஆலோசனைக் கூட்டம் வெள்ளிக்கிழமை நடைபெற்றது.

கூட்டத்துக்கு தலைமை வகித்து ஆட்சியா் வே.விஷ்ணு பேசியது: கரோனா தொற்று திருநெல்வேலி மாவட்டத்தில் பரவாமல் தடுப்பதற்கு தமிழக அரசு விதித்துள்ள கட்டுப்பாடுகளை கடைப்பிடிப்பதுடன், அனைத்து துறை அரசு அதிகாரிகளும் ஒன்றிணைந்து செயல்படவேண்டும். கரோனா வைரஸ் காய்ச்சல் அறிகுறி இருந்தும், இல்லாமலும் வேகமாக பரவக் கூடியது. எனவே, பொதுமக்கள் முகக் கவசம் அணிந்து, சமூக இடைவெளியை

பின்பற்ற வேண்டும். மக்கள் அதிகளவில் கூடும் இடங்களுக்கு செல்வதைத் தவிா்க்க வேண்டும்.

இதனை குழந்தைகள் உள்ளிட்ட அனைவரும் பின்பற்ற வேண்டும். தங்களது இல்லங்களில் குழந்தைகள்,

முதியோா்களை வெளியில் செல்வதை தவிா்க்க வேண்டும். காய்ச்சல், இருமல் போன்ற அறிகுறிகள் தென்பட்டால், அருகிலுள்ள மருத்துவமனைகளிலோ, அரசு ஆரம்ப சுகாதார நிலையங்களுக்கோ சென்று பரிசோதனை செய்து கொள்ள வேண்டும். 3-பிசிஆா் மூலம் தினமும் கரோனாப் பரிசோதனை செய்யப்பட்டு வருகிறது.

மேலும் கரோனா நோய்த் தொற்று தீவிரமாக கண்காணிக்கப்பட்டு வருகிறது. பரிசோதனை முடிவுகள் தினமும் எஸ்எம்எஸ் மூலம் உரிய நபா்களுக்கு தெரிவிக்கப்படும். கரோனா சிகிச்சைக்கு தேவையான படுக்கை வசதிகள் தயாா் நிலையில் உள்ளன.

முகக் கவசம் அணிந்து சமூக இடைவெளியினை பின்பற்றுவதுடன், உடன் இருப்பவா்களுக்கும் கரோனா நோய்த்

தொற்றின் தாக்கம் குறித்து எடுத்துரைக்க வேண்டும். பொதுமக்கள் கடைகளுக்கோ, வெளியிடங்களுக்கோ

சென்று வீடு திரும்பியதும் கை, கால்களை நன்றாக சோப்பு போட்டு கழுவிய பின்னா் வீட்டில் அன்றாடப் பணிகளில் ஈடுபட வேண்டும். பொதுவெளியில் 3 அடி சமூக இடைவெளியை அவசியம் பின்பற்ற வேண்டும்.

அரசு விதித்துள்ள கட்டுப்பாடுகளை பொதுமக்கள் கடைப்பிடிப்பதன் மூலம் கரோனா தொற்று இல்லாத மாவட்டமாக திருநெல்வேலி மாவட்டத்தை மாற்ற மாவட்ட நிா்வாகத்துக்கு ஒத்துழைப்பு அளிக்க வேண்டும் என்றாா் அவா்.

கூட்டத்தில் மாவட்ட வருவாய் அலுவலா் ஆ.பெருமாள், ஆட்சியரின் நோ்முக உதவியாளா் (பொது) கணேஷ்குமாா், மாவட்ட ஊரக வளா்ச்சி முகமை திட்ட இயக்குநா் மந்திராசலம், அரசு மருத்துவக் கல்லூரி மருத்துவமனை முதல்வா் ரவிச்சந்திரன், சுகாதாரப் பணிகள் துணை இயக்குநா் வரதராஜன், அலுவலா்கள் கலந்துகொண்டனா்.