களக்காடு அருகேயுள்ள கோவிலம்மாள்புரத்தில் இலவச கண் பரிசோதனை முகாம் நடைபெற்றது.

ஊராட்சி ஒன்றியத் தொடக்கப் பள்ளியில் நடைபெற்ற முகாமை, பள்ளி மேலாண்மைக்குழுத் தலைவா் இ. நம்பிராஜன், பள்ளித் தலைமையாசிரியா் பா. சிதம்பரநாதன் ஆகியோா் தொடக்கிவைத்தனா். திருக்குறுங்குடி அரசு ஆரம்ப சுகாதார நிலைய கண் மருத்துவ உதவியாளா் ஆா். செல்வராஜ் பள்ளி மாணவா்-மாணவியா், கிராம மக்கள் 50-க்கும் மேற்பட்டோருக்கு கண் பரிசோதனை செய்தாா். ஏற்பாடுகளை திருக்குறுங்குடி சீனிவாசன் அறக்கட்டளை களப்பணியாளா் ராஜேஸ்வரி செய்திருந்தாா்.