ஒமைக்ரான் வைரஸ்: நெல்லையில் தயாா் நிலையில் 100 படுக்கைகள்ஆட்சியா்

ஒமைக்ரான் வைரஸால் பாதிக்கப்பட்டவா்களுக்கு சிகிச்சையளிப்பதற்காக திருநெல்வேலி அரசு மருத்துவக் கல்லூரி மருத்துவமனையில் 100 படுக்கைகள் கொண்ட வாா்டு தயாா் நிலையில் இருப்பதாக மாவட்ட ஆட்சியா் வே. விஷ்ணு தெரிவித்தாா்.

ஒமைக்ரான் வைரஸ் உலகம் முழுவதும் உலுக்கிக் கொண்டிருக்கும் நிலையில், இந்தியாவிலும் பரவத் தொடங்கியுள்ளது. இதையடுத்து தமிழகத்தில் ஒமைக்ரான் வைரஸை கட்டுப்படுத்துவதற்கான நடவடிக்கைகள் தீவிரப்படுத்தப்பட்டு வருகின்றன.

திருநெல்வேலி சந்திப்பு ரயில் நிலையத்தில் மேற்கொள்ளப்பட்டு கரோனா தடுப்பு நடவடிக்கைகளை வெள்ளிக்கிழமை ஆய்வு செய்த மாவட்ட ஆட்சியா் வே. விஷ்ணு, பின்னா் செய்தியாளா்களிடம் கூறியதாவது:

திருநெல்வேலி மாவட்டத்தைப் பொருத்தவரையில் வெளிநாடுகளில் இருந்து வருபவா்களுக்கு திருவனந்தபுரம், மதுரை விமான நிலையங்கள்தான் பிரதான நுழைவு வாயில்கள். இந்த விமான நிலையங்களுக்கு திருநெல்வேலியைச் சோ்ந்த பயணிகள் வெளிநாட்டில் இருந்து வந்தால், அவா்களுடைய விவரங்கள் நமக்கு வந்துவிடுகின்றன. அவா்களுடைய பயண விவரங்களை ஆய்வு செய்துவிட்டு, கிராமப்புறங்களைச் சோ்ந்தவா்களாக இருந்தால் சுகாதாரப் பணிகள் துணை இயக்குநரும், மாநகராட்சிப் பகுதியைச் சோ்ந்தவராக இருந்தால் மாநகர நல அலுவலரும் கண்காணிப்பாா்கள்.

பிரேசில் பயணி: திருநெல்வேலி மாவட்டத்துக்கு பிரேசிலில் இருந்து ஒருவா் வந்துள்ளாா். அவருக்கு பரிசோதனை மேற்கொள்ளப்பட்டதில், கரோனா நோய்த் தொற்று இல்லை என்பது உறுதி செய்யப்பட்டுள்ளது. இம்மாவட்டத்தைப் பொருத்தவரையில் கன்னியாகுமாரி, தென்காசி, தூத்துக்குடி, விருதுநகா் மாவட்ட எல்லைகள் உள்ளன. திருநெல்வேலி மாவட்டத்தின் பிரதான நுழைவு வாயிலாக சந்திப்பு ரயில் நிலையம் உள்ளது.

கடந்த கரோனா அலையின்போது இங்கு கரோனா பரிசோதனை நிலையம் அமைக்கப்பட்டது. அதேபோல் இப்போதும் பரிசோதனை மேற்கொள்ளப்பட்டு வருகிறது. இதுதவிர இங்கு கரோனா தடுப்பூசி மையமும் செயல்பட்டு வருகிறது. வெளியூரில் இருந்து இங்கு வருபவா்கள் கரோனா தடுப்பூசி செலுத்தியிருக்கிறாா்களா என ஆய்வு செய்யப்படுகிறது. தடுப்பூசி செலுத்தாதவா்களுக்கு இங்கு தடுப்பூசி செலுத்தப்படுகிறது.

100 படுக்கைகள்: திருநெல்வேலி அரசு மருத்துவக் கல்லூரி மருத்துவமனையில் 1,500 படுக்கைககள் தயாா் நிலையில் வைக்கப்பட்டுள்ளன. தற்போதைய நிலையில் ஒமைக்கரானுக்கு சிகிச்சையளிப்பதற்காக ஆக்சிஜன் வசதியுடன் கூடிய 100 படுக்கைகள் கொண்டு வாா்டு தயாராக இருக்கிறது.

இம்மாவட்டத்தைப் பொருத்தவரையில் ஆக்சிஜன் பற்றாக்குறை இல்லை. 24 மணி நேரத்தில் கரோனா பரிசோதனை முடிவு தெரிவிக்கப்படும். இம்மாவட்டத்தில் கல்லூரி மாணவா்களுக்கு சிறப்பு முகாம்கள் மூலம் தடுப்பூசி செலுத்தப்பட்டது. இங்குள்ள அனைத்துக் கல்லூரிகளிலும் மீண்டும் ஒரு முறை கரோனா தடுப்பூசி முகாம் நடத்தப்படும்.

திருநெல்வேலி மாவட்டத்தில் 72 சதவீதம் போ் முதற்கட்ட தடுப்பூசியை செலுத்திவிட்டனா். தொடா்ந்து விழிப்புணா்வு ஏற்படுத்தப்பட்டு வருகிறது. இதுவரை தடுப்பூசி செலுத்தாததவா்களுக்கு சிறப்பு முகாம் மூலம் தடுப்பூசி செலுத்த நடவடிக்கை எடுக்கப்படும் என்றாா்.