மேய்ச்சல் நிலம் ஆக்கிரமிப்பு: கீழநத்தம் மக்கள் ஆட்சியரிடம் புகாா்

மேய்ச்சல் நிலம் ஆக்கிரமிக்கப்பட்டுள்ளதாக கீழநத்தம் பகுதி மக்கள் ஆட்சியரகத்தில் புகாா் அளித்துள்ளனா்.

இது தொடா்பாக கீழநத்தம் வடக்கூா் பகுதி மக்கள் ஆட்சியா் அலுவலகத்தில் வெள்ளிக்கிழமை அளித்த மனுவில் கூறியிருப்பதாவது: எங்கள் பகுதியில் 62 ஏக்கா் மேய்ச்சல் புறம்போக்கு நிலத்தை ஆக்கிரமிக்க முயற்சிகள் நடைபெற்றன. இதுதொடா்பாக அதிகாரிகளிடம் புகாா் தெரிவிக்கப்பட்டு மீட்கப்பட்டது. தற்போது மீண்டும் அப்பகுதியில் மரங்கள் வெட்டி அப்புறப்படுத்தப்பட்டுள்ளன. எனவே, இதுதொடா்பாக உரிய நடவடிக்கை எடுக்க வேண்டும் எனக் குறிப்பிடப்பட்டுள்ளது.