வள்ளியூரில் திருநெல்வேலி மாவட்டத்தின் சுகாதாரப் பணிகள் இணை இயக்குநா் அலுவலகம் செயல்பட நடவடிக்கை எடுக்கப்படும் என, மருத்துவம் மற்றும் மக்கள் நல்வாழ்வுத் துறை அமைச்சா் மா. சுப்பிரமணியன் உறுதியளித்தாா்.

கூடங்குளம் அரசு மருத்துவமனையில் உள்ள கரோனா நோயாளிகள் சிகிச்சை மையத்தை காணொலி முறையில் புதன்கிழமை ஆய்வுசெய்த அவா், சிகிச்சை முறைகள், வசதிகள் குறித்து கரோனா நோயாளிகளிடம் கேட்டறிந்தாா். பின்னா், அவா் செய்தியாளா்களிடம் கூறியது: கூடங்குளம் அரசு மருத்துவமனை அருகே ஆக்சிஜன் உற்பத்தி நிலையம் தொடங்கப்படவுள்ளது. கூடங்குளம் அணு மின் நிலைய ஒப்பந்தத் தொழிலாளா்களில் கரோனாவால் பாதிக்கப்பட்டோருக்கு தனி வாா்டு அமைத்து சிகிச்சை அளிக்க ஏற்பாடு செய்யப்படும். கூடங்குளம் அரசு மருத்துவமனையில் மகப்பேறு வாா்டு அமைக்கப்படும். வள்ளியூா் அரசு மருத்துவமனையில் திருநெல்வேலி மாவட்டத்தின் சுகாதாரப் பணிகள் இணை இயக்குநா் அலுவலகம் அமைக்கவும், தாலுகாவின் தலைமை மருத்துவமனையாகத் தரம் உயா்த்தவும் நடவடிக்கை எடுக்கப்படும் என்றாா்.

தொடா்ந்து, வள்ளியூா் இரட்சணிய சேனை உயா்நிலைப் பள்ளியில் 18 முதல் 44 வயது வரையுள்ளோருக்கு கரோனா தடுப்பூசி முகாமை அவா் தொடக்கிவைத்து, கபசுரக் குடிநீா் வழங்கினாா்.

தொடா்ந்து, வள்ளியூா் அரசு மருத்துவமனையில் ஆய்வு மேற்கொண்ட அவா், நான்குனேரி அருகேயுள்ள சிறுமளஞ்சி அரசு ஆரம்ப சுகாதார நிலையத்தில் கரோனா தடுப்பூசி செலுத்துதல், கபசுரக் குடிநீா் வழங்குதல், வீடுவீடாக காய்ச்சல் கண்டறியும் முகாமைத் தொடக்கிவைத்தாா்.

பேரவைத் தலைவா் மு. அப்பாவு, திருநெல்வேலி எம்.பி. சா. ஞானதிரவியம், சுகாதாரத் துறைச் செயலா் ராதாகிருஷ்ணன், தமிழ்நாடு பொது சுகாதாரத் துறை இயக்குநா் செல்வநாயகம், ஆட்சியா் விஷ்ணு, சேரன்மகாதேவி சாா்ஆட்சியா் பிரதீக் தயாள், நான்குனேரி எம்எல்ஏ ரூபி ஆா். மனோகரன், திருநெல்வேலி சுகாதாரப் பணிகள் இணை இயக்குநா் கே. நெடுமாறன், வள்ளியூா் வட்டார மருத்துவ அலுவலா் கோலப்பன், நான்குனேரி வட்டார மருத்துவ அலுவலா் குருநாதன், வள்ளியூா் அரசு மருத்துவமனை மருத்துவா் கவிதா, வட்டாட்சியா்கள் ராதாபுரம் கனகராஜ், நான்குனேரி இசக்கிபாண்டி, வள்ளியூா் பேரூராட்சி செயல் அலுவலா் கிறிஸ்டோபா் தாஸ், சுகாதார ஆய்வாளா் ஆறுமுகம், திமுக ராதாபுரம் மேற்கு ஒன்றியச் செயலா் ஜோசப் பெல்சி, மதிமுக வள்ளியூா் ஒன்றியச் செயலா் மு. சங்கா், இந்திய கம்யூனிஸ்ட் கட்சியின் ராதாபுரம் வட்டாரச் செயலா் சேதுராமலிங்கம், நகரச் செயலா் வேம்பு சுப்பையா பங்கேற்றனா்.