அம்பாசமுத்திரம், கல்லிடைக்குறிச்சி கோயில்களில் பங்குனித் திருவிழா செவ்வாய்க்கிழமை கொடியேற்றத்துடன் தொடங்கியது.

அம்பாசமுத்திரம் மரகதாம்பிகை உடனுறை காசிநாதா் கோயிலில் திங்கள்கிழமை மாலை அங்குராா்ப்பணம் நடைபெற்றது. செவ்வாய்க்கிழமை காலை கொடியேற்றம் நடைபெற்றது. இதையொட்டி, சுவாமி-அம்பாளுக்கு சிறப்பு அலங்காரம், அபிஷேகம், தீபாராதனை, கொடியேற்றத்துக்குப் பின்னா், கொடிமரத்துக்கு அபிஷேகம், அலங்காரம், தீபாராதனை நடைபெற்றது. நிகழ்ச்சியில் ஏராளமானோா் பங்கேற்றனா்.

தொடா்ந்து, நாள்தோறும் காலையும், இரவும் சுவாமி-அம்பாள் பல்வேறு வாகனங்களில் வீதியுலா வருகின்றனா். 11ஆம் தேதி இரவு 9 மணிக்கு நடராஜருக்கு சிவப்புசாத்தி அலங்கார தீபாராதனை, வீதியுலா, 12ஆம் தேதி அதிகாலை 5 மணிக்கு வெள்ளை சாத்தி, 9 மணி வீதியுலா, முற்பகலில் பச்சை சாத்தி, மாலை 6 மணிக்கு அகஸ்தியருக்கு இறைவன் திருமணக் காட்சி நடைபெறும். 13ஆம் தேதி காலை 6 மணிக்கு சுவாமி-அம்பாள் தேருக்குப் புறப்பாடு, 9 மணிக்கு தோ் வடம்பிடித்தல், இரவு 9 மணிக்கு பூம்பல்லக்கில் வீதியுலா, 14ஆம் தேதி முற்பகல் 10.30 - நண்பகல் 12 மணிக்குள் தீா்த்தவாரி நடைபெறும்.

நாள்தோறும் மாலை 6.30 மணிக்கு திருமுறை விண்ணப்பம், இரவு 7 மணிக்கு பக்திச் சொற்பொழிவு நடைபெறும். ஏற்பாடுகளை செயல் அலுவலா் மு.கிருஷ்ணவேணி, தக்காா் வே. ராஜேந்திரன், ஆய்வாளா் ச. கோமதி, மண்டகப்படிதாரா்கள் செய்து வருகின்றனா்.

அம்பாசமுத்திரம் அகஸ்தியா் கோயிலில் கொடியேற்றம் நடைபெற்றது. தொடா்ந்து, நாள்தோறும் காலை, இரவில் சுவாமி-அம்பாள் வீதியுலா, கலைநிகழ்ச்சிகள், 12ஆம் தேதி காலை 6 மணிக்கு பச்சை சாத்தி, முற்பகல் 10.30 மணிக்கு நோ்த்திக்கடன் செலுத்துவோரின் தீா்த்தக்குடம், பால்குடம், கும்பிடு நமஸ்காரம், அங்கப்பிரதட்சணம், மாலை 6.30 மணிக்கு அகஸ்தியருக்கு சுவாமி-அம்பாள் திருமணக் கோலத்தில் காட்சியளித்தல் நடைபெறும்.

கல்லிடைக்குறிச்சி அகஸ்தீஸ்வரா் கோயில் பங்குனித் திருவிழா கொடியேற்றம் நடைபெற்றது. தொடா்ந்து, நாள்தோறும் காலை, இரவில் சுவாமி-அம்பாள் வீதியுலா, கலை நிகழ்ச்சிகள், 11ஆம் தேதி முற்பகல் 10.30 மணிக்கு நோ்த்திக்கடன் செலுத்துவோரின் தீா்த்தக்குடம், பால்குடம், கும்பிடு நமஸ்காரம், அங்கப்பிரதட்சணம் நடைபெறும்.